फोटो काढत असताना सुप्रिया सुळेंनी हाताला धरून बाजूला नेलं, प्रणिती शिंदेंच्या बहिणीचा राहुल गांधींबरोबर फॅन मोमेंट; VIDEO व्हायरल

रेवती सुळेच्या रिसेप्शनसाठी संपूर्ण गांधी कुटुंब दिल्लीत हजर होते. त्यांनी व्यासपीठावर येत नव वधू-वराला शुभेच्छा दिल्या. या सर्वांचं छान फोटो सेशनही झालं. फोटो काढून झाल्यानंतर सुप्रिया सुळेंनी राहुल गांधींना बाजूला नेलं. व्यासपीठावरच बाजूला स्मृती शिंदे उभ्या होत्या. स्मृती शिंदे तुमच्या मोठ्या फॅन आहेत, असं म्हणत त्यांनी राहुल गांधींची भेट घडवून आणली. “हा मोठा फॅन मोमेंट आहे”, असं म्हणत सुप्रिया सुळे यांनी फोटो काढण्याची विनंती केली. यानंतर राहुल गांधींनी स्मृती शिंदेंबरोबर फोटोही काढला.

कोण आहेत स्मृती शिंदे?

स्मृती शिंदे म्हणजेच माजी मुख्यमंत्री सुशील कुमार शिंदे यांची कन्या आणि काँग्रेस खासदार प्रणिती शिंदे यांच्या बहिण आहेत. स्मृती शिंदे यांना दोन मुलं असून वीर पहाडिया हा बॉलिवूडमध्ये कार्यरत असून संजय पहाडिया व्यावसायिक आहे. वीर पहाडिया सध्या अभिनेत्री जान्हवी कपूरला डेट करत असल्याची चर्चा आहे. त्यामुळे लवकरच हे विवाहबंधनात अडकणार आहेत.

रोहित पवार आणि पंतप्रधान मोदींच्या गप्पा

भाजपावर आणि केंद्र सरकारवर खरपूस टीका करणारे आमदार रोहित पवार या समारंभात पंतप्रधान मोदींशी हितगुज साधताना दिसून आले. पवार कुटुंबातील सदस्यांची पंतप्रधान मोदींशी भेट घालून देण्यात आली. यावेळी पंतप्रधान मोदी आणि रोहित पवार यांच्यात काही वेळ संवाद झाला. यावेळी युगेंद्र पवार आणि त्यांच्या पत्नीही उपस्थित होत्या. सुप्रिया सुळेंनी पवार कुटुंबातील सदस्यांची ओळख करून दिली.

अमित शाह आणि शरद पवारांचा संवाद

केंद्रीय गृहमंत्री अमित शाह यांनी शरद पवारांशी संवाद साधल्याचा एक व्हिडीओ व्हायरल होत आहे. शरद पवार यांनी रिसेप्शन सोहळ्यात प्रमुख नेत्यांशी संवाद साधला.