रेल्वेने ३०० कोटींचा सेवाकर बुडवल्याची चौकशी

भारतीय रेल्वेकडून विविध सेवा दिल्या जातात, त्यावरील ३०० कोटींचा सेवाकर अदा केलेला नाही असे दिसून आले आहे.

भारतीय रेल्वेकडून विविध सेवा दिल्या जातात, त्यावरील ३०० कोटींचा सेवाकर अदा केलेला नाही असे दिसून आले आहे. त्यामुळे रेल्वे खातेच आता महसूल अधिकाऱ्यांच्या नजरेखाली आहे. सोळा विभागात नेमक्या कुठल्या सेवा दिल्या. तत्काल, तिकीट रद्द करणे, गाद्यांचे शुल्क या सेवांतून किती पैसा मिळाला अशी विचारणा रेल्वेला करण्यात आली आहे. केंद्राच्या महसूल अधिकाऱ्यांनी रेल्वेने अदा केलेल्या सेवाकराची माहिती मागवली होती त्यात असे दिसून आले की, रेल्वेच्या काही विभागांनी तत्काल सेवा, तिकटी रद्द करणे, गाद्याच्या उपलब्धतेची सेवा यावर कर भरलेला नाही, असे दिसून आले आहेत. याप्रकरणी चौकशी सुरू करण्यात आली असून त्याचा सविस्तर तपशील अजून हाती आलेला नाही. रेल्वे मंत्रालयाच्या अधिकाऱ्यांनी सांगितले की, आम्ही जो सेवाकर लावला तो अर्थ खात्याच्या प्रस्तावानुसार लावला आहे. सेवाकराच्या इतर प्रश्नात रेल्वे प्रशासन व सेवाकर अधिकारी यांच्यात चर्चा सुरू आहे. सरकारचे निकष पाळण्यास आम्ही वचनबद्ध आहोत. महसूल अधिकाऱ्यांनी सांगितले की, रेल्वेने वर उल्लेख केलेल्या काही सेवांतून मिळालेला कर जमा केलेला नाही. सेवाकराची रक्कम कमी भरली गेली आहे, या प्रकरणी चौकशी सुरू असून रेल्वेने ३०० कोटींचा सेवाकर चुकवला असल्याचे सकृतदर्शनी स्पष्ट झाले आहे.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Railways under lens for rs 300 crore alleged service tax evasion

ताज्या बातम्या