बिहारचे मुख्यमंत्री नितीश कुमार यांनी ‘संघमुक्त भारत’ करण्यासाठी गैरभाजप पक्षांना आवाहन केल्याबद्दल केंद्रीय मंत्री रामविलास पासवान यांनी त्यांची थट्टा केली असून, नितीश यांची ‘चांगले नट’ म्हणून संभावना केली आहे. भाजप व संघासोबत १७ वर्षे काढली तेव्हा त्यांना काही चुकीचे दिसले नाही. आता त्यांनी वेगळा राग आलापणे सुरू केले असून ते देशाला संघमुक्त करू इच्छितात. खरेच, नितीश कुमार हे किती चांगले अभिनेते आहेत! असे पासवान पत्रकारांना म्हणाले.
