दिल्लीत १६ वर्षीय अल्पवयीन तरुणीवर प्रियकराने केलेल्या हल्लाने देशभरात एकच खळबळ उडाली आहे. अशातच बिहारमधून एक धक्कादायक घटना समोर आली आहे. येथे एका माथेफिरू तरुणाने तरुणीवर चाकूने सपासप वार केले आहेत. यात तरुणी गंभीररित्या जखमी झाली आहे. या घटनेनंतर तिला रुग्णालयात दाखल करण्यात असून, प्रकृती चिंताजनक असल्याचं सांगण्यात येत आहे.

ही घटना बिहारच्या सीतामढी जिल्ह्यातील दिग्घी पंचायत अंतर्गत येणाऱ्या हरिबेला गावातील आहे. येथे लग्नाला नकार दिल्याने तरुणाने तरुणीवर हल्ला केला आहे. चांदणी कुमार असं जखमी तरुणीचं आणि चंदन कुमार असं आरोपी तरुणाचं नाव आहे. आरोपी चंदनला पोलिसांनी अटक केली आहे.

sandeshkhali shahajahan shiekh
Sandeshkhali Case: लैंगिक अत्याचार प्रकरणातील फरार आरोपी आणि तृणमूल काँग्रेसच्या नेत्याला अटक नेमकी कशी झाली?
personality of jacob rothschild
व्यक्तिवेध : जेकब रोथशील्ड
sushma andhare
कल्याणमध्ये श्रीकांत शिंदे यांंच्या समोर लढणे आम्हाला मोठे आव्हान वाटतच नाही; उध्दव बाळासाहेब ठाकरे पक्षाच्या नेत्या सुषमा अंधारे यांचे मत
Rajendra Pawar vs Ajit Pawar
“..आणि तेव्हापासून पवार कुटुंबीयात दुरावा निर्माण झाला”, बारामतीमध्ये निनावी पत्र व्हायरल; राजेंद्र पवार म्हणाले…

हेही वाचा : दिल्लीत चाकूचे वार करुन अल्पवयीन मुलीची हत्या, एसी मॅकेनिक कसा झाला खुनी? जाणून घ्या इनसाईड स्टोरी

गावातील लोकांनी सांगितलं की, गेल्या चार ते पाच वर्षापासून चांदणी आणि चंदनचं प्रेमप्रकरण चालू होतं. पण, कुटुंबीयांना याची माहिती मिळाल्यावर पंचायतीने दोघांचं प्रेमसंबंध तोडलं होतं. ६ महिन्यापूर्वी तरुणाने तरुणीबरोबरचा एक फोटो आणि व्हिडीओही व्हायरल केला होता. याप्रकरणी तरुणीच्या कुटुंबीयांनी पोलीस ठाण्यात तक्रारही दाखल केली होती.

हेही वाचा : दिल्लीत चाललंय काय? ३५ वर्षीय महिलेची चाकूने भोसकून हत्या, रक्ताच्या थारोळ्यात आढळला मृतदेह

चांदणीने पोलिसांना म्हटलं की, लग्नाला नकार दिल्याने तरुणाने चाकूने हल्ला केला. पोलीस अधिकारी मनोज कुमार तिवारी म्हणाले की, “आरोपी चंदन पळून जाण्याच्या तयारीत होता. पण, त्याला ताब्यात घेण्यात आलं आहे. तरुणीवर स्थानिक रुग्णालयात उपचार सुरु आहेत.”