Republic Day 2022: संपूर्ण जगाने अनुभवलं भारताचं सामर्थ्य आणि संस्कृती; सैन्यदलांची साहसी प्रात्यक्षिकं

Republic Day Parade 2022: करोनाच्या पार्श्वभूमीवर सरकारने या वर्षी प्रजासत्ताक दिनाच्या सोहळ्याला प्रत्यक्ष उपस्थित राहणाऱ्या लोकांची संख्या मर्यादित ठेवली होती

Republic Day Parade 2022: आज संपूर्ण देशभरात ७३ वा प्रजासत्ताक दिन साजरा करण्यात आला. भारताचं स्वातंत्र्याचं ७५ वं वर्ष असल्याने हा प्रजासत्ताक दिन विशेष आहे. दरवर्षीप्रमाणे यावर्षीदेखील प्रजासत्ताक दिन आठवडाभर म्हणजेच २३ जानेवारी ते ३० जानेवारीपर्यंत साजरा केला जाणार आहे. २३ जानेवारी नेताजी सुभाषचंद्र बोस यांची जयंती होती, तर ३० जानेवारीला शहीद दिवस आहे.

प्रजासत्ताक दिनाच्या संचलनासाठी उपस्थित राहणाऱ्यांसाठी दिल्ली पोलिसांकडून नियमावली जाहीर करण्यात आली होती. लसीकरण यावेळी अनिवार्य होतं. तसंच १५ पेक्षा लहान वयाच्या मुलांना उपस्थित राहण्याची परवानगी देण्यात आली नव्हती. संचलनात जवळपास १२ राज्यांचे आणि ९ मंत्रालयांचे असे २१ चित्ररथ सहभागी झाले. यावेळी तिन्ही सैन्यदलांनी आपल्या शक्ती आणि सामर्थ्याचं प्रदर्शन केलं. तसंच ४८० कलाकारांनी ‘वंदे भारतम’ या संकल्पेंतर्गत नृत्याविष्कार सादर करत भारताच्या संस्कृतीचं दर्शन केलं.

Live Updates
13:16 (IST) 26 Jan 2022
Republic Day 2022: राष्ट्रपतींचा अंगरक्षक ‘विराट’ निवृत्त

१५ जानेवारीला आर्मी डेच्या पूर्वसंध्येला विराटला आर्मी स्टाफचे चीफ कमंडेशन देण्यात आले होते. वाचा सविस्तर…

12:30 (IST) 26 Jan 2022
१०० तिरंगा फुगे हवेत सोडण्यात आले

कार्यक्रमाची सांगता करताना १०० तिरंगा फुगे हवेत सोडण्यात आले.

12:20 (IST) 26 Jan 2022
प्रजासत्ताक दिनाच्या कार्यक्रमाची सांगता

प्रजासत्ताक दिनाच्या कार्यक्रमाची सांगता झाली आहे. यानंतर राजपथावरुन निघत असताना पंतप्रधान, राष्ट्रपती यांनी राष्ट्रपती यांच्या गार्ड्समध्ये असलेल्या अश्वाला गोंजारले. राष्ट्रपती रामनाथ कोविंद राजपथावरुन निघाल्यानंतर पंतप्रधान नरेंद्र मोदी यांनी उपस्थित नागरिकांना हात दाखवत अभिवादन केलं.

12:12 (IST) 26 Jan 2022
प्रजासत्ताक दिनी पाहायला मिळाला सर्वात मोठा फ्लायपास्ट

इतिहासात प्रथमच या परेडमध्ये ७५ विमानांचा फ्लाय पास्ट पार पडला.

12:05 (IST) 26 Jan 2022
अंगावर शहारा आणणारे दृष्य

राजपथावर भारतीय हवाई दलाने हवेत केलेल्या साहसी प्रात्यक्षिकाचं हे दृष्य पाहून अंगावर शहारा येईल

12:01 (IST) 26 Jan 2022
सीमा भवानी यांचं साहसी प्रात्यक्षिक

सीमा सुरक्षा दलाच्या (बीएसएफ) सीमा भवानी यांच्या पथकाने दुचाकीवर साहसी प्रात्यक्षिकं दाखवत 'बेटी बचाओ, बेटी पढाओचा' संदेश दिला.

11:53 (IST) 26 Jan 2022
पंजाबचा चित्ररथ

'स्वातंत्र्य लढ्यात पंजाबचे योगदान' दर्शवणारा पंजाबचा चित्ररथ संचलनात सहभागी झाला. भगतसिंग, राजगुरू आणि सुखदेव यांचं बलिदानही यावेळी दाखवण्यात आलं. तसंच लाला लजपत राय यांच्या नेतृत्वाखालील सायमन कमिशनविरोधातील निषेध आणि मायकल ओडवायर यांच्यावर उधम सिंग यांनी केलेल्या हल्ल्याचंही चित्रण आहे.

11:51 (IST) 26 Jan 2022
४८० कलाकारांचा नृत्याविष्कार

'वंदे भारतम' या संकल्पेंतर्गत ४८० कलाकारांनी नृत्याविष्कार सादर करण्यात आला. यावेळी भारताच्या संस्कृतीचं दर्शन करण्यात आलं.

11:45 (IST) 26 Jan 2022
महाराष्ट्राच्या चित्ररथात साताऱ्यातील ‘कास’ पठार

संचलनात ‘महाराष्ट्रातील जैवविविधता मानके’ या विषयावर आधारित चित्ररथ सहभागी झाला. या चित्ररथावर सातारा जिल्ह्यातील कास पठारावरील फुले व प्राण्यांच्या प्रजातीचा समावेश करण्यात आला. कास पठाराचा चित्ररथात समावेश झाल्याने सातार्‍यासाठी ही बाब भूषणावह ठरली आहे.

महाराष्ट्राच्या चित्ररथावर पाच “जैवविविधता मानकं” आहेत, ज्यात राज्यासाठी अद्वितीय असलेल्या वनस्पती आणि प्राणी यांचा समावेश आहे. सुमारे 15 प्राणी आणि 22 वनस्पती आणि फुले या चित्ररथावर प्रदर्शित करण्यात आली.

11:42 (IST) 26 Jan 2022
मेघालयचा चित्ररथ

मेघालयच्या चित्ररथात एक महिला बांबूची टोपली विणत आहे. तसंच राज्यातील बांबू आणि ऊस उत्पादने दाखवण्यात आली आहे.

11:40 (IST) 26 Jan 2022
महाराष्ट्राचा चित्ररथातून झाडे जगवण्याचा संदेश

राजपथावर अमिताभ झाले महाराष्ट्राचा आवाज; चित्ररथासाठी मराठीत घातली पर्यावरण वाचवण्याची साद

11:35 (IST) 26 Jan 2022
सीमा सुरक्षा दलाचा उंटावर बसलेला बँड

राजपथ येथे ७३ व्या प्रजासत्ताक दिनी सीमा सुरक्षा दलाचा बँड सहभागी झाला होता. हे जवान उंटावर बसलेले होते.

11:33 (IST) 26 Jan 2022
भारतीय वायुसेनेचा चित्ररथ

'भारतीय वायुसेनेचे भविष्यासाठी परिवर्तन' या संकल्पनेवर आधारित भारतीय वायुसेनेचा चित्ररथ संचलनात सहभागी झाला होता. यात MiG-21, Gnat, लाइट कॉम्बॅट हेलिकॉप्टर (LCH), अस्लेशा रडार आणि राफेल विमानांचे स्केल-डाउन मॉडेल्स दाखवण्यात आले.

11:19 (IST) 26 Jan 2022
भारतीय नौदलाचा चित्ररथ

नौदलाच्या क्षमतांचं प्रदर्शन तसंच 'आत्मनिर्भर भारत' अंतर्गत प्रमुख गोष्टी ठळकपणे दाखविण्याच्या उद्देशाने हा चित्ररथ तयार करण्यात आला आहे. 'आझादी का अमृत महोत्सव'चाही विशेष उल्लेख यावेळी करण्यात आला आहे.

11:05 (IST) 26 Jan 2022
पॅराशूट रेजिमेंट भारतीय सैन्याच्या नवीन लढाऊ गणवेशात

पॅराशूट रेजिमेंट भारतीय सैन्याच्या नवीन लढाऊ गणवेशात सहभागी झाली.

11:04 (IST) 26 Jan 2022
शीख लाइट इन्फंट्री तुकडी राजपथ येथील प्रजासत्ताक दिनाच्या परेडमध्ये सहभागी

शीख लाइट इन्फंट्री तुकडी राजपथ येथील प्रजासत्ताक दिनाच्या परेडमध्ये सहभागी झाली. लष्करप्रमुख जनरल एमएम नरवणे हे रेजिमेंटचे सध्याचे कर्नल आहेत.

10:48 (IST) 26 Jan 2022
लोकसत्तावर पाहू शकता संपूर्ण सोहळा

दिल्लीमधील राजपथावर सुरु असलेला प्रजासत्ताक दिन सोहळा तुम्ही लोकसत्ताच्या युट्यूब चॅनेलवर पण पाहू शकता.

10:46 (IST) 26 Jan 2022
सहाय्यक उपनिरीक्षक बाबू राम यांना मरणोत्तर अशोकचक्र प्रदान

प्रजासत्ताक दिनाच्या परेडमध्ये जम्मू-काश्मीर पोलीस दलातील सहाय्यक उपनिरीक्षक बाबू राम यांना मरणोत्तर अशोकचक्र प्रदान करण्यात आले.

10:39 (IST) 26 Jan 2022
Mi-17V5 हेलिकॉप्टरची उड्डाणं

155 हेलिकॉप्टर युनिटच्या चार Mi-17V5 हेलिकॉप्टर प्रजासत्ताक दिनाच्या परेडमध्ये उड्डाण केलं

10:28 (IST) 26 Jan 2022
राष्ट्रपती रामनाथ कोविंद राजपथावर दाखल

राष्ट्रपती रामनाथ कोविंद आणि पंतप्रधान नरेंद्र मोदी राजपथावर दाखल झाले आहेत. थोड्याच वेळात संचलनाला सुरुवात होईल.

10:16 (IST) 26 Jan 2022
अटारी बॉर्डरवर भारत-पाकिस्तानच्या जवानांकडून मिठाई वाटप

अटारी-वाघा बॉर्डरवर भारत आणि पाकिस्तानच्या जवानांनी एकमेकांना मिठाई दिली.

10:10 (IST) 26 Jan 2022
मोदींकडून राष्ट्रीय युद्ध स्मारकावर अभिवादन

पंतप्रधान नरेंद्र मोदींनी राष्ट्रीय युद्ध स्मारकावर शहिदांना अभिवादन केलं. यावेळी तिन्ही दलांचे प्रमुख उपस्थित होते.

09:59 (IST) 26 Jan 2022
राज्यपाल भगतसिंग कोश्यारींच्या हस्ते ध्वजारोहण

राज्याचे मुख्यमंत्री उद्धव ठाकरे यांनी प्रजासत्ताक दिनी शिवाजी पार्कात उपस्थिती लावली. यावेळी राज्यपाल भगतसिंग कोश्यारी यांच्या हस्ते ध्वजारोहण करण्यात आलं.

09:45 (IST) 26 Jan 2022
पुण्यातील परेड रद्द

गर्दी असल्याने पुण्यातील परेड रद्द करण्याचा निर्णय घेण्यात आल्याची माहिती उपमुख्यमंत्री अजित पवार यांनी दिली. करोनामुळे साधेपणाने कार्यक्रम साजरा करण्यात आल्याचं त्यांनी सांगितलं.

09:25 (IST) 26 Jan 2022
मुख्यमंत्री उद्धव ठाकरे शिवार्जी पार्कमध्ये दाखल

प्रकृतीच्या कारणास्तव गेल्या काही दिवसांपासून 'वर्क फ्रॉम होम' करणारे मुख्यमंत्री उद्धव ठाकरे शिवाजी पार्कमध्ये दाखल झाले आहेत. शिवाजी पार्कमध्ये होणाऱ्या प्रजासत्ताक दिनाच्या कार्यक्रमात ते सहभागी झाले आहेत.

09:18 (IST) 26 Jan 2022
अमर जवान ज्योतीचा फोटो शेअर करत राहुल गांधींनी दिल्या शुभेच्छा

काँग्रेस नेते राहुल गांधी यांनी अमर जवान ज्योतीचा फोटो शेअर करत देशवासियांना प्रजासत्ताक दिनाच्या शुभेच्छा दिल्या. “१९५० मध्ये प्रजासत्ताक दिनी आपल्या देशाने विश्वासाने योग्य दिशेने पहिलं पाऊल टाकलं होतं. सत्य आणि समानतेच्या त्या पहिला पावलासाठी नमन,” असं राहुल गांधी यांनी ट्वीटमध्ये म्हटलं आहे.

09:10 (IST) 26 Jan 2022
नागपुरात संघ मुख्यालयात ध्वजारोहण

प्रजासत्ताक दिनी नागपुरात संघ मुख्यालयात महानगर संघचालक राजेश लोया यांनी ध्वजारोहण केलं. यावेळी प्रजासत्ताक दिन ध्वजारोहण सोहळ्यामध्ये मोहिते शाखेतील स्वयंसेवक आणि सुरक्षेसाठी तैनात जवानांनी सहभाग घेतला होता. ध्वजारोहणानंतर नागपूर संघचालक राजेश लोया यांनी जवानांशी प्रवासातला संपूर्ण देशवासीयांना प्रजासत्ताक दिनाच्या शुभेच्छा दिल्या.

08:52 (IST) 26 Jan 2022
भाजपाच्या दिल्लीमधील मुख्यालयात ध्वजारोहण

भाजपाध्यक्ष जे पी नड्डा यांच्या हस्ते भाजपाच्या दिल्लीमधील मुख्यालयात ध्वजारोहण करण्यात आलं.

08:46 (IST) 26 Jan 2022
मुख्यमंत्री उद्धव ठाकरे यांच्या हस्ते ध्वजारोहण

08:29 (IST) 26 Jan 2022
वर्षा निवासस्थानी मुख्यमंत्री उद्धव ठाकरे यांच्या हस्ते ध्वजारोहण

भारतीय प्रजासत्ताकाच्या वर्धापनदिन निमित्ताने वर्षा निवासस्थानच्या प्रांगणात मुख्यमंत्री उद्धव ठाकरे यांच्या हस्ते ध्वजारोहण झाले. याप्रसंगी मुख्यमंत्र्यांच्या पत्नी सौ. रश्मी ठाकरे, पर्यटन, पर्यावरण व राजशिष्टाचार मंत्री आदित्य ठाकरे तसेच राज्याचे मुख्य सचिव देबाशीष चक्रवर्ती, मुख्यमंत्र्यांचे प्रधान सचिव विकास खारगे आदी मान्यवर उपस्थित होते. यावेळी उपस्थित पोलीस पथकाने राष्ट्रध्वजाला राष्ट्रीय सलामीसह मानवंदना दिली. मुख्यमंत्री उद्धव ठाकरे, मंत्री आदित्य ठाकरे यांनी उपस्थितांना शुभेच्छाही दिल्या.

08:13 (IST) 26 Jan 2022
दिल्लीत तयारी सुरु

दिल्लीत प्रजासत्ताक दिन साजरा करण्यासाठी तयारी सुरु झाली आहे.

08:11 (IST) 26 Jan 2022
पंतप्रधान मोदींकडून शुभेच्छा

पंतप्रधान नरेंद्र मोदी यांनी ट्विटरच्या माध्यमातून देशवासियांना ७३ व्या प्रजासत्ताक दिनाच्या शुभेच्छा दिल्या आहेत.

08:10 (IST) 26 Jan 2022
विजय चौकात ड्रोन्सची रंगीत तालीम

‘Beating the Retreat’ कार्यक्रमासाठी भारतात निर्मिती करण्यात आलेले १००० ड्रोन कार्यक्रमाचा भाग असणार आहे. पूर्वसंध्येला विजय चौकात या ड्रोन्सच्या सहाय्याने आकाश वेगवेगळे आकार तयार करत प्रात्यक्षिक दाखवण्यात आलं.

08:06 (IST) 26 Jan 2022
भारत-पाकिस्तान सीमेवर ‘हाय अलर्ट’

प्रजासत्ताक दिनापूर्वी जम्मू-काश्मीरमध्ये सुरक्षाव्यवस्था कडक करण्यात आली होती. आंतरराष्ट्रीय सीमेपासून नियंत्रण रेषेपर्यंत हाय अलर्ट जारी करण्यात आला आहे. सर्वच जिल्ह्यात पोलिस अनेक ठिकाणी वाहने व संशयितांची चौकशी करत आहेत. दुसरीकडे, धमकी देण्यात आल्याने भारत-पाकिस्तान सीमेवर तैनात असलेल्या बीएसएफ जवानांना प्रजासत्ताक दिनी हाय अलर्टवर ठेवण्यात आले आहे. (वाचा पूर्ण बातमी)

08:04 (IST) 26 Jan 2022
प्रजासत्ताक दिनी पाहायला मिळणार सर्वात मोठा फ्लायपास्ट

इतिहासात प्रथमच या परेडमध्ये ७५ विमानांचा फ्लाय पास्ट होणार आहे. संरक्षण मंत्रालयाने मंगळवारी सांगितले की ७५ विमानांचे भव्य फ्लाय-पास्ट सांस्कृतिक प्रदर्शन होणार आहे. तसेच प्रजासत्ताक दिनाच्या परेडमध्ये ७५ मीटर लांबीच्या १० स्क्रोलचे (सांस्कृतिक नृत्य) प्रदर्शन यासारखे कार्यक्रम होणार आहेत. (वाचा पूर्ण बातमी)

08:03 (IST) 26 Jan 2022
लडाख सीमेवरही ITBP जवानांनी साजरा केला प्रजासत्ताक दिन

लडाख सीमेवरही इंडो-तिबेटियन बॉर्डर पोलीस (ITBP) जवानांनी साजरा केला प्रजासत्ताक दिन

08:01 (IST) 26 Jan 2022
इंडो-तिबेटियन बॉर्डर पोलिसांनी हाडं गोठवणाऱ्या थंडीत फडकवला तिरंगा

इंडो-तिबेटियन बॉर्डर पोलिसांनी (ITBP) उत्तराखंडमध्ये १४ हजार फुटांवर हाडं गोठवणाऱ्या थंडीत उणे ३० अंश सेल्सियस तापमानात तिंरगा फडकावला.

07:49 (IST) 26 Jan 2022
गुगलचं विशेष डुडल

गुगलने प्रजासत्ताक दिनानिमित्त विशेष डुडल ठेवलं आहे. यामधून भारतीय संगीत संस्कृती दाखवण्याचा प्रयत्न करण्यात आला आहे.

07:46 (IST) 26 Jan 2022
दिल्ली पोलिसांची कडक सुरक्षाव्यवस्था

प्रजासत्ताक दिनाच्या पार्श्वभूमीवर दिल्ली पोलिसांकडून कडक सुरक्षाव्यवस्था करण्यात आली आहे. मिंट रोडवर पोलीस कर्मचारी वाहनांची तपासणी करत असताना

07:45 (IST) 26 Jan 2022
नेपाळकडून भारताला प्रजासत्ताक दिनाच्या शुभेच्छा

नेपाळचे राष्ट्रपती, पंतप्रधान यांच्याकडून भारताला प्रजासत्ताक दिनाच्या शुभेच्छा दिल्या आहेत.

07:43 (IST) 26 Jan 2022
राज्यातील ५१ पोलीस अधिकारी, कर्मचाऱ्यांना पदके जाहीर

प्रजासत्ताक दिनानिमित्त  राज्यातील ५१ पोलीस अधिकारी, कर्मचाऱ्यांना राष्ट्रपती व पोलीस पदक जाहीर करण्यात आले आहे. त्यातील चार पोलीस अधिकाऱ्यांना उत्कृष्ट सेवेकरिता ‘राष्ट्रपती विशिष्ट सेवा पदक’, तर सात जणांना ‘पोलीस शौर्य पदक’, तसेच प्रशंसनीय सेवेकरिता ४० जणांना ‘पोलीस पदक’ जाहीर झाले आहे.

देशभरातील पोलिसांनी गाजविलेल्या शौऱ्याबद्दल केंद्रीय गृह विभागातर्फे दरवर्षी प्रजासत्ताक दिनाच्या पूर्वसंध्येला ‘पोलीस पदक’ जाहीर करण्यात येते. यावर्षी एकूण ९३९ ‘पोलीस पदक’ जाहीर झाली असून ८८  पोलिसांना ‘राष्ट्रपती विशिष्ट सेवा पदकह्ण (पीपीएम), १८९ पोलिसांना ‘पोलीस शौर्य पदक’(पीएमजी), ६६२ पोलिसांना प्रशंसनीय सेवेसाठी ‘पोलीस पदक’ (पीएम) आणि दोन जणांना ‘राष्ट्रपती शौर्य पदक’ जाहीर झाले आहे. यामध्ये महाराष्ट्राला एकूण ५१ पदके मिळाली आहेत. (वाचा पूर्ण बातमी)

07:42 (IST) 26 Jan 2022
राज्यातील दहा जणांना पद्म पुरस्कार

प्रजासत्ताक दिनाच्या पूर्वसंध्येला केंद्र सरकारने १२८ पद्म पुरस्कारांची घोषणा केली़  त्यात राज्यातील दहा जणांचा समावेश आहे. ज्येष्ठ शास्त्रीय गायिका प्रभा अत्रे यांना पद्मविभूषण या दुसऱ्या सर्वोच्च पुरस्काराने सन्मानित करण्यात आले आहे. ‘टाटा’सन्सचे अध्यक्ष नटराजन चंद्रशेखरन आणि ‘पूनावाला उद्योग समूहा’चे अध्यक्ष सायरस पूनावाला यांना पद्मभूषण पुरस्कार जाहीर करण्यात आला आहे.

राज्यातील एकाला पद्मविभूषण, दोघांना पद्मभूषण तर सात जणांना पद्मश्री पुरस्कार जाहीर करण्यात आला आहे. यापैकी डॉ. बालाजी तांबे यांना मरणोत्तर पुरस्कार जाहीर झाला आहे. (वाचा पूर्ण बातमी)

07:40 (IST) 26 Jan 2022
लष्करात महिलांचा वाढता सहभाग

देशाच्या संरक्षण दलाचे तत्कालीन प्रमुख जनरल बिपीन रावत यांच्या अपघाती मृत्यूबद्दल राष्ट्रपती कोविंद यांनी दु:ख व्यक्त केले व रावत यांना आदरांजली वाहिली. देशभक्ती नागरिकांमध्ये कर्तव्याची भावना बळकट करते. तुम्ही डॉक्टर असो वा वकील, दुकानदार असो वा कार्यालयीन कर्मचारी, सफाई कर्मचारी असो वा मजूर असो, आपले कर्तव्य चोखपणे आणि कार्यक्षमतेने करणे हेच योगदान असते, असे ते म्हणाले. सशस्त्र दलांमध्ये महिलांचा सहभाग वाढत असून महिलांच्या सक्षमीकरणासाठी आणि स्त्री-पुरुष समानतेच्या दृष्टीने टाकलेले हे पाऊल आहे, असेही कोविंद म्हणाले.  

07:40 (IST) 26 Jan 2022
गावाची-देशाची सेवा करा!

गेल्या वर्षी मी कानपूर जिल्ह्यातील पारौंख या मूळगावी गेलो होतो. माझ्या गावाच्या आशीर्वादामुळे मी राष्ट्रपती भवनापर्यंत पोहोचू शकलो. मी जगात कुठेही असलो तरी माझे गाव आणि माझा देश माझ्या हृदयात राहतो. आपल्या कठोर परिश्रम आणि प्रतिभेमुळे यशस्वी होतात, त्यांनी आपले मूळ, आपले गाव-शहर विसरू नये. आपल्या गावाची, आपल्या देशाची जमेल त्या मार्गाने सेवा करावी, अशी सूचना कोिवद यांनी केली. नौदल व कोचीन शिपयार्ड यांनी स्वदेशी बनावटीची अत्याधुनिक विमानवाहू युद्धनौका ‘’आयएसी विक्रांत’’ तयार केली. अशा आधुनिक लष्करी क्षमतेमुळे भारताची गणना आता जगातील आघाडीच्या नौदलसमर्थ देशांमध्ये झाली आहे. हरियाणातील भिवानी जिल्ह्यातील नागरिकांनी ‘स्व-प्रेरित आदर्श ग्राम योजने’ अंतर्गत गावाचा कायापालट केल्याचेही पाहिले. ही स्वावलंबी उदाहरणे अनुकरणीय असल्याचे कोविंद म्हणाले.

07:40 (IST) 26 Jan 2022
अतुलनीय धैर्य..

राष्ट्रीय सेवेचे मूलभूत कर्तव्य पार पाडत कोटय़वधी लोकांनी स्वच्छ भारत मोहीम आणि करोना लसीकरण मोहिमेचे जनचळवळीत रूपांतर केले. अशा मोहिमा यशस्वी होण्याचे श्रेय कर्तव्यदक्ष नागरिकांना जाते, असेही कोिवद म्हणाले. लोकसंख्येच्या घनतेमुळे भारतात साथीच्या रोगाचे नियंत्रण अधिक कठीण होते. आपल्याकडे पुरेशी साधनसंपत्ती व पायाभूत सुविधा नाहीत. तरीही कोरोनाविरोधात अतुलनीय धैर्य दाखवत आपण आरोग्यसेवेतील पायाभूत सुविधांचा विकास केला. स्वदेशी लस विकसित केल्या. इतिहासातील सर्वात मोठी लसीकरण मोहीम सुरू केली. अन्य देशांनाही लस आणि इतर वैद्यकीय मदत देत आहोत. भारताच्या या योगदानाचे आंतरराष्ट्रीय स्तरावर कौतुक केले जात आहे, असे उद्गार कोविंद यांनी काढले.

07:39 (IST) 26 Jan 2022
राष्ट्रपती रामनाथ कोविंद यांनी साधला देशवासियांसोबत संवाद

राष्ट्रपती रामनाथ कोविंद यांनी प्रजासत्ताक दिनाच्या पूर्वसंध्येला मंगळवारी देशाला उद्देशून केलेलं भाषण

Web Title: Republic day 2022 india live updates celebrations covid restrictions sgy

Next Story
उत्तर प्रदेशात काँग्रेसला धक्का ; गांधी कुटुंबाचे निकटवर्तीय आरपीएन सिंह भाजपमध्ये
ताज्या बातम्या
फोटो गॅलरी