Russia will break Ukraine today Announcement merger four territories ysh 95 | Loksatta

रशिया आज युक्रेनचा लचका तोडणार!; सार्वमत घेतलेल्या चार प्रदेशांच्या विलीनीकरणाची घोषणा

रशियाच्या नियंत्रणात असलेले युक्रेनचे चार प्रदेश शुक्रवारी अधिकृतरीत्या विलीन केले जातील, अशी घोषणा रशियाने केली आहे.

रशिया आज युक्रेनचा लचका तोडणार!; सार्वमत घेतलेल्या चार प्रदेशांच्या विलीनीकरणाची घोषणा
युक्रेनमधील डोनेस्क, खेरसन, लुहान्स्क आणि झापोरीझिया हे भाग आता रशियाचे आहेत, अशी माहिती देणारे फलक सध्या या भागांत लागले आहेत.

पीटीआय, कीव्ह (युक्रेन) : रशियाच्या नियंत्रणात असलेले युक्रेनचे चार प्रदेश शुक्रवारी अधिकृतरीत्या विलीन केले जातील, अशी घोषणा रशियाने केली आहे. राष्ट्राध्यक्ष व्लादिमीर पुतिन यांच्या उपस्थितीत क्रेमलिन प्रासादात हा विलीनीकरण सोहळा होईल, असे रशियाच्या सरकारने जाहीर केले आहे. युक्रेनमधील डोनेस्क, खेरसन, लुहान्स्क आणि झापोरीझिया या भागांमध्ये रशियाने सार्वमत घेतले होते. बुधवारी रशियाधार्जिण्या प्रशासकांनी चारही प्रांतांमध्ये रशियात समावेशाच्या बाजूने कौल असल्याचा दावा केला. त्यानंतर लगेचच रशिया सरकारचे प्रवक्ते दिमित्री पेस्कोव्ह यांनी या प्रदेशांच्या अधिकृत विलीनीकरणाची घोषणा केली. क्रेमलिनमधील जॉर्ज सभागृहात चारही प्रांतांचे प्रशासक विलीनीकरणाच्या करारावर स्वाक्षऱ्या करतील, असे त्यांनी जाहीर केले.

या रशियापुरस्कृत सार्वमताला युक्रेन, अमेरिका आणि युरोपीय देशांचा विरोध आहे. बंदुकीच्या धाकावर बळजबरीने सार्वमत घेतले गेल्याचा आरोप करत रशियाने बळकावलेला प्रदेश परत घेण्याचा आपल्याला पूर्ण अधिकार आहे, असा दावा युक्रेनने केला. तर या नकली सार्वमताचा निकाल कधीही मान्य केला जाणार नाही, असे जर्मनीच्या परराष्ट्रमंत्री अ‍ॅनालेना बीबॉक यांनी म्हटले.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
ब्रह्मपुत्रा नदीत बोट बुडाली; सात बेपत्ता

संबंधित बातम्या

“ब्राह्मणांनो परिसर सोडा आणि शाखेत…”, ‘जेएनयू’मध्ये ब्राह्मणविरोधी घोषणांनी भिंती रंगल्या, चौकशी सुरू
“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
विश्लेषण : कुख्यात गँगस्टर गोल्डी ब्रारला अमेरिकेत अटक, सिद्धू मुसेवाला हत्या प्रकरणाशी काय आहे संबंध?
Delhi Murder Case: श्रद्धा खून प्रकरणाला वेगळं वळण? आफताबकडून पॉलीग्राफी चाचणीत धक्कादायक खुलासे
“मी तो पक्षी आहे, ज्याचे घरटे…”, NDTV चा राजीनामा दिल्यानंतर रवीश कुमार भावूक

व्हिडिओ

ताज्या बातम्या
देशात कुठल्या राज्यात सर्वाधिक व सर्वात कमी बेरोजगारी? महाराष्ट्राची स्थिती काय? वाचा…
पुणे: युवक काँग्रेसकडून राजभवनसमोर काळे झेंडे दाखवून आंदोलन; पोलिसांकडून कार्यकर्ते ताब्यात
आई xx दे की रिप्लाय!
पुणे : राज्यपालांनी व्यक्त केला पश्चात्ताप…. शिष्टमंडळ भेटीनंतर राष्ट्रवादी काँग्रेसचा दावा
Video : “प्रेमात पडले कोल्हापूरच्या पाहून शाही थाट…” लाजत मुरडत पाठकबाईंचा राणादासाठी खास उखाणा