काँग्रेसवर साधलेल्या निशाण्यावरून सलमान खुर्शीद यांचे प्रशांत किशोर यांना प्रत्त्युत्तर, म्हणाले…

“राजकारण म्हणजे केवळ निवडणुका जिंकणे नाही.”, असंही म्हणाले आहेत.

(संग्रहित प्रातिनिधिक छायाचित्र)

काँग्रेस नेते सलमान खुर्शीद यांनी आज राजकीय रणनीतीकार प्रशात किशोर यांना प्रत्युत्तर दिले आहे. विरोधी नेतृत्व “लोकशाही पद्धतीने” ठरवले पाहिजे, असं प्रशांत किशोर म्हणाले होते.

यावर सलमान खुर्शीद यांनी ट्विटद्वारे म्हटलं आहे की, ” पीकेची लोकाशाहीबद्दल उत्सुकता आहे. ते काँग्रेस कार्यकर्त्यांच्या लोकशाहीबद्दलच्या निवडीवर प्रश्न उपस्थित करण्यासाठी देवत्वाचा वापर करतात. हे आपल्याला सांगते की, हे आपल्याला सांगते की राजकारणाविषयीच्या पुस्तकी ज्ञानाचा मानवी आचरणावर परिणाम होत नाही. राजकारण म्हणजे केवळ निवडणुका जिंकणे नाही. ”

तसेच, “प्रशांत किशोरसाठी धडा : देवत्व विश्वासाबद्दल आहे. लोकशाही विश्वासाबद्दल आहे. अन्य लोक लोकाशाही निवडीसाठी स्क्रीप्ट नाही लिहू शकत. जर लोकशाही निवड समजत नसेल, तर शाळेत परत जा आणि नव्याने सुरूवात करा. कदाचित आस्था आणि श्रद्धेत फरक केल्याने भाजपाला उत्तर मिळेल. ” असं देखील खुर्शीद म्हणाले आहेत.

या अगोदर काँग्रेस नेते राहुल गांधी यांच्यावर निशाणा साधताना प्रशांत किशोर यांनी, काँग्रेस नेतृत्व हा एखाद्या व्यक्तीचा दैवी अधिकार नाही, असं म्हटलं होतं.

यासंदर्भात प्रशांत किशोर यांनी ट्विट करत म्हटले होते की, ” काँग्रेस मजबूत विरोधी पक्षासाठी ज्या विचार आणि विस्ताराचे प्रतिनिधित्व करते, ते महत्वपूर्ण आहे. परंतु काँग्रेस नेतृत्व हा एखाद्या व्यक्तीचा दैवी अधिकार नाही. मुख्यत्वे अशा परिस्थितीत जेव्हा पक्ष मागील दहा वर्षांमध्ये ९० टक्क्यांपेक्षा जास्त निवडणुका हरलेला आहे. म्हणूनच विरोधी पक्षाचे नेतृत्व लोकशाही पद्धतीने ठरवू द्या. ”

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Salman khurshids reply to prashant kishor for targeting congress msr

ताज्या बातम्या