उत्तराखंडमध्ये बस अपघातात सात ठार

डेहराडून : उत्तराखंडच्या अल्मोडा जिल्ह्यामध्ये एक बस दरीत कोसळून झालेल्या अपघातात सात जण ठार झाले आणि अन्य १२ जखमी झाले अशी माहिती पोलिसांनी मंगळवारी दिली. ही बस अल्मोडा जिल्ह्यातील द्वारहाट येथून नेनिताल जिल्ह्यातील रामनगर येथे जात असताना भिकियासैन येथे हा अपघात झाला, असे वरिष्ठ पोलीस अधीक्षक देवेंद्र पिंचा यांनी सांगितले. पिंचा यांनी दिलेल्या माहितीनुसार, या बसमध्ये १८ ते १९ प्रवासी होते. चालकाचे नियंत्रण सुटल्यामुळे बस कोसळल्याची माहिती त्यांनी दिली.