Bangladesh Political Crisis: “जर भारताऐवजी दुसरा कुठला देश असता तर…”, शेख हसीनांना आश्रय दिल्यावरून BNP पक्षाची नाराजी; म्हणाले, “संताप स्वाभाविकच”!

बांगलादेशमध्ये काय घडलं?

सरकारी नोकऱ्यांमधील आरक्षणाच्या मुद्द्यावरून बांगलादेशमध्ये गेल्या महिन्याभरापासून युवकांनी रस्त्यावर उतरून विरोध करायला सुरुवात केली. मात्र, शेख हसीना सरकारकडून आंदोलन दडपण्याचा प्रयत्न करण्यात आला. यातून परिस्थिती आणखी चिघळली. अखेर काही दिवसांपूर्वी आंदोलन हिंसक झालं आणि शेख हसीना सरकारनं देशभरात अनिश्चित काळासाठी संचारबंदी लागू केली. तरीही आंदोलकांनी ढाक्यापर्यंत मोर्चा काढला. परिस्थिती चिघळू लागल्याचं स्पष्ट झाल्यानंतर शेख हसीना यांनी पंतप्रदानपदाचा राजीनामा दिला व बांगलादेश सोडला.

आणखी वाचा

शाळकरी मुलीकडून लैंगिक अत्याचाराचा बनाव

२ ऑक्टोबर पंचांग: सर्वपित्री अमावस्या कोणासाठी ठरणार शुभ?…

Bengaluru Murder : महालक्ष्मी हत्या प्रकरणातील संशयित आरोपीची आत्महत्या, सुसाईड नोटमध्ये गुन्ह्याची कबुली

डोंबिवलीतील शिंदे गटातील युवा नेत्याला इशारा, बंडखोरांकडे दुर्लक्ष करून महायुतीचे काम जोमाने करा, श्रीकांत शिंदे यांचा सल्ला

Bengaluru : महिलेची हत्या करून मृतदेहाचे तुकडे फ्रिजमध्ये ठेवले, बंगळुरूमध्ये धक्कादायक घटना; महिलेची आई म्हणाली, “घरमालकाने…”

न्यूयॉर्कमध्ये स्वामीनारायण मंदिराची तोडफोड; भिंतींवर लिहिल्या भारतविरोधी घोषणा, भारतीय दुतावासाने नोंदवला तीव्र निषेध

कोलकाता बलात्कार प्रकरणी महाविद्यालयाच्या माजी प्राचार्यासह पोलीस निरीक्षकाला अटक; पुराव्याशी छेडछाड केल्याचा आरोप

गडचिरोली : धर्मरावबाबा आत्राम कुटुंबातील बंडावर शिक्कामोर्तब; भाग्यश्री आत्राम १२ सप्टेंबरला…

शेख हसीना यांच्या राजीनाम्यानंतर लष्करप्रमुख वकेर-उझ-झमान यांनी अंतरिम सरकारची घोषणा केली. त्यानुसार नोबेल पुरस्कार विजेते अर्थतज्ज्ञ मोहम्मद यूनूस यांच्याकडे अंतरिम सरकारची सूत्र सोपवण्यात आली. त्याबरोबर काही काळापासून अटकेत असणाऱ्या बीएनपीच्या अध्यक्षा खलिदा झिया यांची सुटका करण्यात आली. मात्र, आता झिया यांच्या पक्षाकडून शेख हसीना यांना भारतात आश्रय देण्यावर तीव्र आक्षेप घेण्यात येत आहे.

“बांगलादेशची नाराजी स्वाभाविक”

बीएनपीचे ज्येष्ठ नेते खंदाकेर मुशर्रफ हुसेन यांनी यासंदर्भात स्पष्ट भूमिका व्यक्त केली आहे. “शेख हसीना यांनी भारतात घेतलेल्या आश्रयावर बांगलादेशमधून येणाऱ्या संतप्त प्रतिक्रिया स्वाभाविक आहेत. कारण लोकांना न आवडणाऱ्या व्यक्तींना मदत करणारेही लोकांना आवडत नाहीत”, असं ते म्हणाले.

Khaleda Zia: शेख हसीनांना आश्रय दिल्यामुळे खलिदा झियांच्या पक्षाचा भारताला इशारा; “तर कठीण होईल…”

“जर मला तुम्ही आवडत नाहीत आणि कुणीतरी दुसरी व्यक्ती तुम्हाला मदत करत असेल तर मला साहजिकच ती व्यक्तीही आवडणार नाही. त्यामुळे बांगलादेशमधील या प्रतिक्रिया स्वाभाविक आहेत. पण दुसऱ्या बाजूला भारत व बांगलादेशमध्ये नेहमीच सौहार्दपूर्ण संबंध राहिले आहेत. मग ते शेख हसीना यांचं सरकार असो की आवामी लीगचं सरकार असो”, अशी प्रतिक्रिया मुशर्रफ हुसेन यांनी दिली.

“बांगलादेशसाठी भारताशी चांगले संबंध महत्त्वाचे’

“भारताशी चांगले संबंध ठेवणं हे बांगलादेशच्या हितासाठी महत्त्वाचं आहे. जर भारताऐवजी दुसरा कुठला देश असता, तर मी हे म्हणालो नसतो. पण भारत एक मोठा देश आहे आणि जगातली एक मोठी अर्थव्यवस्था आहे. चांगल्या द्विपक्षीय संबंधांसाठी दोन्ही देशांनी एकत्र बसून या मुद्द्यांवर तोडगा काढायला हवा”, असंही त्यांनी नमूद केलं.

“शेख हसीना बांगलादेशमध्ये मोस्ट वाँटेड”

दरम्यान, दुसरीकडे बीएनपी पक्षाचे प्रवक्ते अमिर खसरू मेहमूद चौधरी यांनीही यावर प्रतिक्रिया दिली आहे. “आत्ताच्या घडीला शेख हसीना या बांगलादेशमधील मोस्ट वाँटेड व्यक्ती आहेत. अनेक गुन्ह्यांसाठी त्यांची चौकशी होणं बाकी आहे. यात हत्या, लाखो डॉलर्सचा भ्रष्टाचार अशा अनेक प्रकरणांचा समावेश आहे. त्यामुळे बांगलादेशच्या नागरिकांना असं वाटतं की भारत सरकारनं त्यांच्या भावनांचा विचार करावा. शेवटी दोन देशांमधील संबंध म्हणजे तिथल्या नागरिकांमधले संबंध असतात”, असं ते म्हणाले.