हायवेवर महिलेस प्रायव्हेट पार्ट दाखवून पळ काढला; पीडितेच्या मृत्यूस कारणीभूत ठरलेल्या सेवानिवृत्त जवानाला अटक

पोलिसांनी वृत्तसंस्था ‘पीटीआय’ला दिलेल्या माहितीनुसार, १३ सप्टेंबर रोजी उपचारादरम्यान पीडितेचा मृत्यू झाला. पीडित महिलेनं आरोपीला दुचाकीवरून पळून जाण्यापासून रोखण्याचा प्रयत्न केला. यावेळी आरोपी अंकित चौधरी याने पीडितेला रस्त्यावर ढकललं. यावेळी पाठीमागून आलेल्या वेगवान कारच्या धडकेत महिलेचा मृत्यू झाला. याप्रकरणी यूपी पोलिसांनी आरोपी अंकित चौधरीला गुरुवारी अटक केली.

आणखी वाचा

स्किझोफ्रेनियाग्रस्त महिलेचे शंभरहून अधिक वेळा नियंत्रण कक्षाला दूरध्वनी

बांधकाम उद्योगाला आकार देण्यात ‘एआय’च्या भूमिकेवर श्वेतपत्रिका, ऑक्टोबरमध्ये होत असलेल्या ‘काँक्रीट शो’मध्ये अनावरण

चोरट्याने रिक्षात प्रवास करणाऱ्या महिलेचे मंगळसूत्र हिसकावले

टॅक्सी-रिक्षाचालकांचा भाडेनकार सुरूच ; कठोर कारवाई नसल्याने जरब कमी

हेही वाचा- “फाशी द्या किंवा गोळ्या घाला”, उज्जैन बलात्कार प्रकरणातील आरोपीच्या वडिलांची मागणी

नेमकं प्रकरण काय?

पीडित महिलेच्या पतीनं पोलिसांना सांगितलं की, घटनेच्या दिवशी आरोपी अंकित याच्या दुचाकीवरून जात होता. यावेळी रस्त्याच्या बाजुला शेतात काम करणाऱ्या माझ्या पत्नीच्या आणि अन्य एका महिलेसमोर दुचाकी थांबवली आणि लघुशंका केली. यावेळी त्याने दोघींना गुप्तांग दाखवत अश्लील हावभाव केले. यावेळी महिलांनी त्याचा पाठलाग करून त्याला पकडण्याचा प्रयत्न केला. पण चौधरीने माझ्या पत्नीला ढकललं आणि ती रस्त्यावर पडली. याचवेळी पाठीमागून आलेल्या कारने तिला धडक दिली.

हेही वाचा- अविवाहित बहीण गर्भवती राहिल्याने राग अनावर, आईसह भावाने दिली भयंकर शिक्षा; जंगलात नेलं अन्…

मृत महिलेच्या पतीच्या तक्रारीच्या आधारे, मंगळवारी आरोपी अंकित चौधरीविरुद्ध भारतीय दंड संहितेच्या विविध कलमाअंतर्गत गुन्हा दाखल केला आहे. आरोपी चौधरी हा मुरादनगर येथील रहिवासी आहे, त्याने २०२० मध्ये केंद्रीय राखीव पोलीस दलातून (CRPF) स्वेच्छानिवृत्ती घेतली आहे, अशी माहिती डीसीपी विवेक चंद यादव यांनी दिली. महिलेला धडक देणाऱ्या कार चालकाचीही ओळख पटली असून त्याला लवकरच अटक करण्यात येईल, असंही ते म्हणाले.