sikh family murdered in California America after kidnap Punjab Chief Minister Bhagwant Mann demanded high level probe to S Jaishankar | Loksatta

भारतीय वंशाच्या शीख कुटुंबाची अमेरिकेत हत्या, पंजाबच्या मुख्यमंत्र्यांसह शिरोमणी अकाली दलाने परराष्ट्रमंत्र्यांकडे केली ‘ही’ मागणी

आठ महिन्यांच्या बाळासह कुटुंबातील तिघांची कॅलिफॉर्नियात हत्या करण्यात आली आहे

भारतीय वंशाच्या शीख कुटुंबाची अमेरिकेत हत्या, पंजाबच्या मुख्यमंत्र्यांसह शिरोमणी अकाली दलाने परराष्ट्रमंत्र्यांकडे केली ‘ही’ मागणी

भारतीय वंशाच्या शीख कुटुंबातील चार जणांची अमेरिकेच्या कॅलिफॉर्नियामध्ये हत्या करण्यात आली आहे. या घटनेवर पंजाबचे मुख्यमंत्री भगवंत मान यांनी दु:ख व्यक्त केले आहे. या प्रकरणात उच्चस्तरीय तपास करण्यात यावा, अशी मागणी मान यांनी परराष्ट्रमंत्री एस. जयशंकर यांच्याकडे केली आहे. अमेरिकेच्या कॅलिफॉर्नियात अपहरणानंतर आठ महिन्यांच्या मुलीसह तिचे आई-वडील आणि काकांचा मृतदेह बुधवारी एका फळबागेत आढळून आला होता. या चौघांच्या हत्येप्रकरणी एका संशयिताला ताब्यात घेण्यात आले आहे.

अपहरण, हत्या अन् फळबागेत मृतदेह; अमेरिकेत भारतीय वंशाच्या कुटुंबाच्या हत्येने खळबळ, जाणून घ्या काय घडलं?

आठ महिन्यांच्या आरोही धेरीसह २७ वर्षीय जसलीन कौर, ३६ वर्षीय जसदीप सिंग आणि ३९ वर्षीय अमनदीप सिंग यांची अपहरणानंतर हत्या झाली आहे. हे शीख कुटुंबीय मूळचे पंजाबमधील होशियारपूर जिल्ह्यातील हारसी पिंडचे रहिवासी होते. त्यांच्या हत्येबाबत शिरोमणी अकाली दलाचे प्रमुख सुखबीर सिंग बादल यांनीदेखील दु:ख व्यक्त केले आहे. भारतीयांच्या सुरक्षिततेचा मुद्दा संबंधित अमेरिकी अधिकाऱ्यांकडे मांडण्याचे आवाहन त्यांनी परराष्ट्र मंत्री एस. जयशंकर यांना केले आहे. “आठ महिन्यांच्या आरोहीसह तिच्या कुटुंबियांची निर्घृण हत्या जगभरातील पंजाबी समाजासाठी चिंतेची बाब आहे. हत्येत जीव गमावलेल्या शीख कुटुंबाप्रती मी संवेदना व्यक्त करतो”, अशा आशयाचं ट्वीट बादल यांनी केले आहे.

या कुटुंबाच्या हत्येप्रकरणी ४८ वर्षीय मन्युअल सॅलगाडो या संशयिताला पोलिसांनी ताब्यात घेतले आहे. पीडिताच्या एटीएम कार्डचा वापर केल्यानंतर या आरोपीचा पोलिसांनी छडा लावला आहे. दरम्यान, या कुटुंबाच्या हत्येपूर्वीचा अपहरणाचा व्हिडीओ समोर आला आहे. मर्सेड काऊंटी पोलिसांनी या घटनेचे सीसीटीव्ही फुटेज प्रसिद्ध केले आहे. या व्हिडीओत बंदुकीचा धाक दाखवत हल्लेखोराने एका ट्रकिंग कंपनीतून भारतीय वंशाच्या कुटुंबाचे अपहरण केल्याचे दिसून येत आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
विश्लेषण : कालबाह्य चित्ता, चेतक हेलिकाॅप्टर कधी बदलणार? दुर्दैवी मालिकेत आणखी किती अपघात?

संबंधित बातम्या

Delhi Murder Case: श्रद्धा खून प्रकरणाला वेगळं वळण? आफताबकडून पॉलीग्राफी चाचणीत धक्कादायक खुलासे
आफताबने आधीपासूनच रचला होता श्रद्धाच्या खूनाचा कट? पॉलीग्राफी चाचणीत विचारण्यात आले ‘हे’ सात प्रश्न
विश्लेषण: आणखी एका राज्यात `आपʼचा शिरकाव; हरयाणात थेट दुसऱ्या क्रमांकावर!
पसमांदा मुस्लिमांपर्यंत पोहोचण्याच्या मोदींच्या धोरणाला गती; दिल्ली महापालिका निवडणुकीत भाजपकडून चार उमेदवार रिंगणात
संतापजनक! ५ विद्यार्थ्यांकडून वर्गमैत्रिणीवर लैंगिक अत्याचार, कृत्याचा व्हिडीओ समाजमाध्यमांवर केला शेअर

व्हिडिओ

ताज्या बातम्या
“दु:ख हेच आहे की एका माणसाच्या राक्षसी महत्त्वकांक्षेसाठी महाराष्ट्र मागे पडतोय”; मुख्यमंत्री शिंदेंवर आदित्य ठाकरेंचे टीकास्त्र!
बदाम खाल्ल्याने ‘हे’ ४ त्रास १०० च्या वेगाने वाढू शकतात! एका दिवसात किती व कसे बदाम खाणे आहे योग्य?
मंगल प्रभात लोढांकडून शिवरायांच्या आग्र्यातील सुटकेची तुलना शिंदेंच्या बंडाशी; म्हणाले, “शिवराय आग्र्यातून बाहेर पडले, त्याचप्रमाणे…”
“दाक्षिणात्य चित्रपटांची खिल्ली उडवणारेच आज…” राणा दग्गुबातीचे परखड भाष्य
“दक्षिणेकडील चित्रपट…” बॉलिवूड विरुद्ध दाक्षिणात्य वादावर कार्तिक आर्यनची स्पष्ट भूमिका