Sinzo Abe great contribution India Japan friendship Prime Minister Modi Tribute Funeral ysh 95 | Loksatta

भारत-जपान मैत्रीत आबे यांचे मोठे योगदान; पंतप्रधान मोदी यांची श्रद्धांजली; अंत्यसंस्कारांस जगभरातील नेते

टोक्यो येथील निप्पॉन बुडोकन येथे मंगळवारी आबे यांच्या पार्थिवावर अंत्यसंस्कार करण्यात आले.

भारत-जपान मैत्रीत आबे यांचे मोठे योगदान; पंतप्रधान मोदी यांची श्रद्धांजली; अंत्यसंस्कारांस जगभरातील नेते
भारत-जपान मैत्रीत आबे यांचे मोठे योगदान; पंतप्रधान मोदी यांची श्रद्धांजली; अंत्यसंस्कारांस जगभरातील नेते

पीटीआय, टोक्यो : ‘‘भारत-जपान संबंधांना नवी उंची देण्यात जपानचे दिवंगत माजी पंतप्रधान शिंजो आबे यांचे महत्त्वाचे योगदान आहे. त्यांच्या पंतप्रधानपदाच्या कारकीर्दीत भारत-जपान संबंध दृढ करताना आबे यांनी जपानच्या परराष्ट्र धोरणालाही नवे आयाम दिले,’’ अशा शब्दांत पंतप्रधान नरेंद्र मोदींनी मंगळवारी आबे यांच्या अंत्यसंस्कारप्रसंगी श्रद्धांजली वाहिली.  

हेही वाचा >>> ‘वैद्यकीय शिक्षण सुधारणांच्या नावे काँग्रेसने पैसे कमावले’

हेही वाचा >>> ‘पीएफआय’च्या आणखी १७० जणांना अटक; दहशतवादी कारवायांना पाठबळाचा आरोप: महाराष्ट्रासह सात राज्यांत कारवाई

८ जुलै रोजी जपानच्या नारा शहरात निवडणूक प्रचारसभेदरम्यान ६७ वर्षीय आबे यांची एका हल्लेखोराने गोळय़ा झाडून हत्या केली होती. टोक्यो येथील निप्पॉन बुडोकन येथे मंगळवारी आबे यांच्या पार्थिवावर अंत्यसंस्कार करण्यात आले. यात वीसहून अधिक राष्ट्रप्रमुखांसह शंभरहून अधिक देशांचे प्रतिनिधी सहभागी झाले होते. जपानच्या ‘क्योडो’ वृत्तसंस्थेने दिलेल्या माहितीनुसार, मोदींव्यतिरिक्त, सातशेहून अधिक परदेशी मान्यवर यावेळी उपस्थित होते. त्यात अमेरिकेच्या उपाध्यक्ष कमला हॅरिस आणि आंतरराष्ट्रीय ऑलिम्पिक समितीचे अध्यक्ष थॉमस बाख यांचाही समावेश होता. पहाटे येथे दाखल झालेल्या मोदींनी प्रथम अनेक जागतिक नेत्यांसह आबे यांना पुष्पांजली वाहिली.

हेही वाचा >>> निर्णय निवडणूक आयोगाच्या कोर्टात; पक्षचिन्हाबाबत सुनावणी घेण्यास सर्वोच्च न्यायालयाची परवानगी

अंत्यसंस्कारांस उपस्थित राहिल्यानंतर पंतप्रधान मोदींनी त्यांची पत्नी अकी आबे यांची ‘आकासा पॅलेस’मध्ये भेट घेतली. यावेळी मोदींनी श्रीमती आबे यांच्यापाशी दिवंगत आबेंविषयी आपल्या भावना व्यक्त केल्या. आबे व त्यांच्या मैत्रीच्या स्मृतींना त्यांनी यावेळी उजाळा दिला. त्यानंतर मोदींनी जपानचे पंतप्रधान फुमियो किशिदा यांची भेट घेऊन त्यांच्याशी चर्चा केली. यावेळी मोदींनी आबे यांच्या आकस्मिक निधनाबद्दल तीव्र शोक व्यक्त केला. भारत-जपान संबंधांतील आबे यांचे उल्लेखनीय योगदान, मुक्त आणि सर्वसमावेशक भारत-प्रशांत महासागरीय प्रदेशाबाबत त्यांच्या दृष्टिकोनावर यावेळी चर्चा झाली. यावेळी किशिदा यांनी आबे यांच्या याबाबतच्या धोरणानुसारच भारतासह यापुढे वाटचाल केली जाईल, असे सांगितले. सहकार्य आणि मैत्रीसंबंध अधिक दृढ करण्याचा मानस किशिदा यांनी मोदींपाशी व्यक्त केला. त्यानंतर जपानचा दौरा आटोपून पंतप्रधान नरेंद्र मोदी मंगळवारी भारतात परतले. परराष्ट्र मंत्रालयाने केलेल्या ‘ट्वीट’मध्ये नमूद केले, की  दिवंगत माजी पंतप्रधान आबे यांचा वारसा, मोदी आणि पंतप्रधान किशिदा यांची वचनबद्धता भारत-जपान मैत्रीला नव्या उंचीवर नेत राहील.

‘आबेंना लाखोंच्या हृदयात कायमचे स्थान!’

मोदींनी ‘ट्वीट’ केले, की माजी पंतप्रधान आबे यांच्या अंत्यसंस्कारासारख्या प्रसंगास उपस्थित राहण्यासाठी मला यावे लागेल, याची कल्पनाही केली नव्हती. आबे हे एक महान नेते होते. भारत-जपान मैत्रीवर त्यांचा दृढ विश्वास होता. लाखो नागरिकांच्या हृदयात त्यांना कायमच स्थान राहील. आबे यांच्यासह आपले छायाचित्रही त्यांनी ट्वीट केले.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
‘वैद्यकीय शिक्षण सुधारणांच्या नावे काँग्रेसने पैसे कमावले’

संबंधित बातम्या

Gujarat Election Results 2022 Live :…हे लोकशाहीसाठी घातक, नाना पटोलेंनी मांडलं स्पष्ट मत; वाचा प्रत्येक अपडेट
Himachal Pradesh Election Results 2022 Live : हिमाचल प्रदेशमध्ये काँग्रेसची मुसंडी, भाजपा पिछाडीवर, जाणून घ्या निकाल
World’s Richest Person: एलॉन मस्क यांची मत्तेदारी मोडीत; ‘या’ व्यक्तीने पहिल्या स्थानावर घेतली उडी
“हिंमत असेल तर श्रद्धाच्या मृतदेहाचे तुकडे शोधा”, आफताबचं पोलिसांना खुलं आव्हान, खूनाचं कारणही सांगितलं
Himachal Pradesh Election Results 2022: हिमाचल प्रदेशमध्ये हालचालींना वेग; विनोद तावडेंवर बेरजेच्या गणिताची जबाबदारी

व्हिडिओ

ताज्या बातम्या
पुणे : वर्तुळाकार रस्ता जानेवारीपासून मार्गावर; भूसंपादनाचे काम अंतिम टप्प्यात
पुणे : सहकारी तत्त्वावर तांदळाचे उत्पादन; सोमवारपासून इंद्रायणी तांदूळ महोत्सव
“दिल्ली तुम्ही घ्या, गुजरात आम्हाला सोडा, असं…”, भाजपा आणि आपबाबत संजय राऊत यांचं वक्तव्य
Rohit Sharma Injured: जखमी असूनही खेळायला उतरला रोहित, पत्नी रितिका आणि सूर्यकुमारच्या ट्विटने जिंकले मन
Video: बॉलिवूड पदार्पणाचा आनंद गगनात मावेना, बार काउंटरवर चढून बेभान होऊन नाचली ‘ही’ मराठी अभिनेत्री