अखिलेश यादवकडून मायावती आणि भाजपाला धक्का ; सात बंडखोर आमदारांचा ‘सपा’मध्ये प्रवेश

पत्रकारपरिषदेत बोलताना अखिलेश यादव यांचा भाजपावर निशाणा

समाजवादी पार्टीचे प्रमुख अखिलेश यादव यांनी आज (शनिवार) बसपा आणि भाजपाला धक्का दिला आहे. लखनऊमध्ये समाजवादी पार्टीच्या मुख्यालयामध्ये पोहचलेल्या बसपाच्या सहा बंडखोर आमदरांनी आणि भाजपाच्या एका आमदाराने समाजवादी पार्टीचे सदस्यत्व स्वीकारले. सर्व बंडखोर आमदरांना अखिलेश यादव यांनी सदस्यता दिली.

बसपाचे सहा बंडखोर आमदारांमध्ये सुषमा पटेल, हरगोविंद भार्गव, अस्लम चौधरी, अस्लम राइनी, हाकीम लाल बिंद आणि मुज्ताब सिद्दीकी यांचा समावेश आहे. तर, भाजपा बंडखोर आमदार राकेश राठौर हे समाजवादी पार्टीमध्ये दाखल झाले आहेत.

यावेळी आयोजित पत्रकारपरिषदेत बोलताना अखिलेश यादव यांनी भाजपावर जोरदार टीका केली. भाजपाच्या एका आमदाराने सपा मध्ये प्रवेश केल्यानंतर अखिलेश यादव यांनी म्हटले की, मुख्यमंत्री भाजपाचा नारा बदलतील. ‘माझा परिवार भाजपा परिवार’ च्या जागी ‘ मेरा परिवार भागता परिवार’ ठेवतील.

याचबरोबर, अखिलेश म्हणाले की, भाजपाने आपल्या वचननाम्यातील आश्वासनांची पूर्तता केलेली नाही. समाजवादीचे मत आहे की, जी काँग्रेस आहे तीच भाजपा आहे आणि जी भाजपा आहे तीच काँग्रेस आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Six suspended bsp mla and one bjp mla today joined samajwadi party in presence of party president akhilesh yadav msr

Next Story
शांत व आरोग्यदायी झोपेसाठी सेंद्रिय बिछाना