स्मार्ट वॉचच्या मदतीने ठेवणार सरकारी कर्मचाऱ्यांच्या हालचालींवर नजर; ‘या’ राज्याचा महत्त्वाचा निर्णय

पंचकुला महानगरपालिका आणि चंदिगड प्रशासनाने स्मार्टवॉच अटेंडन्स सिस्टमचा अवलंब केला आहे.

प्रातिनिधिक छायाचित्र

हरियाणाचे मुख्यमंत्री मनोहर लाल खट्टर यांनी घोषणा केली आहे की, राज्यातील सरकारी अधिकाऱ्यांना स्मार्ट वॉच घालावे लागतील जे कार्यालयीन वेळेत त्यांच्या हालचालींवर लक्ष ठेवतील. तसेच उपस्थिती चिन्हांकित करण्यासाठी एक साधन म्हणून काम करतील.
“राज्यातील सर्व सरकारी अधिकारी स्मार्ट वॉच घालतील जे कार्यालयीन वेळेत त्यांच्या हालचालींचा मागोवा घेतील. तसेच उपस्थिती चिन्हांकित करण्यासाठी एक साधन म्हणून काम करतील,” शनिवारी सोहना येथील सर्मथला गावात ‘विकास’ रॅलीदरम्यान खट्टर यांनी जाहीर केले.

मुख्यमंत्र्यांच्या म्हणण्यानुसार, हे पाऊल मागील रोस्टर आणि त्यानंतरच्या बायोमेट्रिक सिस्टीममधील त्रुटी दूर करून प्रगती दर्शवेल. नवीन प्रणालीमुळे “कामकाजात पारदर्शकता आणि उत्तरदायित्व येईल, आणि बनावट, डुप्लिकेट आणि खोटी उपस्थिती दूर होईल”, असे मुख्यमंत्री म्हणाले.
ते म्हणाले, “आम्ही स्मार्टवॉच सादर करणार आहोत जे फक्त ज्या अधिकाऱ्याला नेमले आहेत त्याचा मागोवा घेतील. इतर कोणी ते घातल्यास घड्याळ काम करणे बंद करेल. अशा प्रकारे हरियाणातील सर्व सरकारी अधिकाऱ्यांच्या हालचालींचा मागोवा घेतला जाईल.”

२०१४ च्या आधी रजिस्टरमध्ये उपस्थिती चिन्हांकित करण्याच्या मॅन्युअल पद्धतीचा उल्लेख करून खट्टर म्हणाले, “एक कर्मचारी एका आठवड्यानंतर कार्यालयात येतो आणि उपस्थिती नोंदवहीमध्ये आठवड्यातील सर्व दिवस टिक मार्क करुन ठेवतो. .सरकारी कर्मचार्‍यांना शिस्त लावण्यासाठी आणि नियमित हजेरी लावण्यासाठी आम्ही आमचे सरकार आल्यानंतर बायोमेट्रिक प्रणाली सुरू केली.

सध्या, पंचकुला महानगरपालिका आणि चंदिगड प्रशासनाने स्मार्टवॉच अटेंडन्स सिस्टमचा अवलंब केला आहे. परंतु जीपीएस-सक्षम मॉनिटरिंग सिस्टीमने त्यांच्या गोपनीयतेचा भंग केल्याचा दावा करणाऱ्या कर्मचाऱ्यांकडून टीकेला सुरुवात झाली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Smartwatches to track movement of govt officials during office hours haryana vsk

Next Story
पेट्रोल, डिझेल, एलपीजी दरात पुढील आठवडय़ात वाढ?