scorecardresearch

Coronavirus: धूम्रपान करणाऱ्यांना मृत्यूचा धोका जास्त; अभ्यासातून समोर आली माहिती

धूम्रपानामुळे कोविड -१९ची तीव्रता वाढण्याची आणि विषाणूजन्य संसर्गामुळे मृत्यू होण्याचा धोका वाढण्याची शक्यता आहे, असे मंगळवारी प्रकाशित झालेल्या एका अभ्यासात म्हटले आहे.

Coronavirus: धूम्रपान करणाऱ्यांना मृत्यूचा धोका जास्त; अभ्यासातून समोर आली माहिती

साथीच्या आजारांच्या सुरुवातीला केलेल्या अभ्यासात सामान्य लोकसंख्येच्या तुलनेत कोविड -१९ सह रुग्णालयात दाखल झालेल्या लोकांमध्ये सक्रिय धूम्रपान करणाऱ्यांचे प्रमाण कमी असल्याचे दिसून आले.

तथापि, इतर लोकसंख्या आधारित अभ्यासांनी असे सुचवले आहे की धूम्रपान हा संसर्गासाठी धोकादायक घटक आहे. आजपर्यंतचे बहुतेक संशोधन निसर्गात निरीक्षणात्मक आहे आणि त्यामुळे कार्यकारण प्रभाव स्थापित करण्यात अक्षम आहे. थोरॅक्स जर्नलमध्ये प्रकाशित झालेला ताज्या अभ्यासामध्ये पुराव्यांना बळकट करण्यासाठी धूम्रपान आणि कोविड -१९ वरील निरीक्षण आणि आनुवांशिक डेटा जमा करणारा हा पहिला अभ्यास आहे.

“आमचे परिणाम ठामपणे सुचवतात की धूम्रपान हा गंभीर कोविड संसर्ग होण्याच्या जोखमीशी संबंधित आहे आणि ज्याप्रमाणे धूम्रपानामुळे हृदयरोग, विविध कर्करोगाचा धोका संभवतो तशाच पद्धतीने धूम्रपानामुळे कोविड संसर्ग अधिक तीव्र होण्याचा तसंच करोनामुळे मृत्यू होण्याचा धोकाही अधिक आहे, ” असं आघाडीचे संशोधक अॅशले क्लिफ्ट म्हणाले.

ब्रिटनमधील ऑक्सफर्ड विद्यापीठाचे क्लिफ्ट म्हणाले, “म्हणून आता सिगारेट सोडणे आणि धूम्रपान सोडणे हा एक योग्य निर्णय ठरू शकतो.
ऑक्सफोर्ड, ब्रिस्टल विद्यापीठ आणि नॉटिंघम विद्यापीठातील संशोधकांच्या टीमने जोडलेल्या रुग्णांच्या प्राथमिक नोंदी, कोविड -१९ चाचणी निकाल, रुग्णालयातील प्रवेश करतेवेळचा डेटा आणि मृत्यू प्रमाणपत्रे अशी माहिती गोळा केली.
त्यांनी यूके बायोबँकच्या चार लाख २१ हजार ४६९ सहभागींमध्ये जानेवारी ते ऑगस्ट २०२० पर्यंत धूम्रपान आणि कोविड -१९ संक्रमणाची तीव्रता यांच्यातील संबंध शोधले.संशोधकांना असे आढळून आले की ज्या लोकांनी कधीही धूम्रपान केले नाही त्यांच्या तुलनेत, धूम्रपान करणार्‍यांना रुग्णालयात दाखल होण्याची शक्यता ८० टक्के आणि कोविड -१९ मुळे मृत्यू होण्याची शक्यता जास्त आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Smoking may increase risk of covid 19 severity death study vsk

ताज्या बातम्या