“कॅनडाच्या पंतप्रधानांना ही सवयच आहे”, जस्टिन ट्रुडोंना श्रीलंकेच्या परराष्ट्रमंत्र्यांनी सुनावलं; म्हणाले, “काही दहशतवाद्यांना…!”

काय म्हणाले अली सॅब्रि?

जस्टिन ट्रुडो यांनी भारतावर केलेले आरोप ऐकून आपल्याला अजिबात आश्चर्य वाटलं नसल्याचं सॅब्रि म्हणाले आहेत. “ट्रुडो हे नेहमी असे खळबळजनक आणि बिनबुडाचे आरोप करत असतात. काही दहशतवाद्यांना कॅनडामध्ये आश्रय मिळाला आहे. अशा प्रकारे निराधार आरोप करण्याची कॅनडाच्या पंतप्रधानांची सवयच आहे. त्यांनी असाच प्रकार श्रीलंकेच्या बाबतीतही केला होता. श्रीलंकेत वंशहत्या झाल्याचं ते म्हणाले होते. पण यात तथ्य नसल्याचं सगळ्यांना माहिती आहे”, असं अली सॅब्रि म्हणाले आहेत.

आणखी वाचा

हमासने इस्रायलवर ५ हजार रॉकेट्स डागले, ४० जणांचा मृत्यू; पंतप्रधान मोदी म्हणाले, “या कठीण काळात…”

हे भारताचे धोरण नाही!; कॅनडाच्या आरोपांना जयशंकर यांचे प्रथमच जाहीर उत्तर

जो बायडेन यांनी मानवी हक्क, माध्यम स्वातंत्र्यावर मोदींशी केली चर्चा; व्हिएतनाममध्ये म्हणाले, “त्यांच्याशी बोलताना…!”

G20 Summit 2023: ‘पाश्चिमात्यांचा हेतू फोल’; रशियाच्या परराष्ट्रमंत्र्यांकडून भारताचे कौतुक 

१८ जून रोजी कॅनडाच्या व्हँकोव्हरमध्ये खलिस्तान समर्थक हरदीप सिंग निज्जर याची दोन अज्ञातांनी गोळ्या झाडून हत्या केली होती. या प्रकरणात भारताचा सहभाग असल्याचा आरोप कॅनडाचे पंतप्रधान जस्टिन ट्रुडो यांनी केला आहे. हे आरोप भारतानं फेटाळले असून यावरून दोन्ही देशांमधील संबंध कमालीचे ताणले गेले आहेत. दोन्ही देशांनी एकमेकांच्या उच्चपदस्थ अधिकाऱ्यांची हकालपट्टी केली आहे. भारतानं कॅनडातील आपली व्हिसा सेवा तात्पुरती बंद केली आहे.

“…म्हणून मला आश्चर्य वाटलं नाही”

एकीकडे अमेरिका, ऑस्ट्रेलियासारखे देश कॅनडाची बाजू घेत असताना श्रीलंकेनं जाहीरपणे भारताची बाजू घेतली आहे. “दुसऱ्या महायुद्धात नाझींसाठी लढणाऱ्या एका व्यक्तीचा ट्रुडोंनी संसदेत सन्मान केल्याचा व्हिडीओ मी पाहिला. त्यामुळे ट्रुडोंनी भारतावर आरोप केल्याचं मला अजिबात आश्चर्य वाटलं नाही. ट्रुडो अशा प्रकारचे आरोप करत असतात”, असं अली सॅब्रि म्हणाले आहेत.

कॅनडाच्या आरोपांवर जो बायडेन यांची जी २० दरम्यानच मोदींशी चर्चा? नव्या दाव्यानं तर्क-वितर्कांना उधाण!

“मला वाटतं कोणत्याही देशानं इतर देशांमध्ये आपलं नाक खुपसू नये. त्यांना सांगू नये की त्यांनी देश कसा चालवायला हवा. आमचं आमच्या देशावर प्रेम आहे म्हणून आम्ही आमच्या देशात आहोत. अशा प्रकारच्या वक्तव्यांचा आम्ही निषेध करतो. आमचे व्यवहार कसे करावेत हे आम्हाला कुणी शिकवू नये”, असंही सॅब्रि यांनी नमूद केलं.