सौदी अरेबियाच्या जेद्दाह शहर सोमवारी सकाळी आत्मघातकी हल्ल्याने हादरले. अमेरिकी दुतावासाबाहेर झालेल्या आत्मघातकी हल्ल्यात अनेक जण जखमी झाले आहेत. घटनास्थळावर मदतकार्य सुरू असून, जखमींचे नेमका आकडा अद्याप कळू शकलेला नाही. सौदीतील वेबपोर्टलच्या माहितीनुसार, हल्ला झालेल्या ठिकणी विविध देशांचे दुतावास आहेत. दहशतवादी एका कारमधून आला होता. अमेरिकेच्या दुतावासानजिक एक मोठं रुग्णालय देखील आहे. दहशतवादी या रुग्णालयात प्रवेश करण्याच्या प्रयत्नात असताना तेथील दोन सुरक्षारक्षकांनी त्याला अडवले. यानंतर दहशतवाद्याने आत्मघातकी बॉम्बने स्वत:ला उडवून दिले. बॉम्बस्फोटाने संपूर्ण परिसर हादरला. हल्ल्यात केवळ दहशतवादीच जागीच ठार झाला व इतर कोणत्याही प्रकारची जीवीतहानी झालेली नसल्याचे सांगण्यात येत आहे.
