काबूल विमानतळावर तालीबान्यांकडून आत्मघाती हल्ला, एकाचा मृत्यू

विमानतळाच्या पर्वेकडील प्रवेशद्वारावर एका कारमध्ये बॉम्बस्फोट झाला.

Afghan security forces inspect the site of a suicide car bomb attack near the Kabul airport in Kabul, Afghanistan, Monday, Dec. 28, 2015. No group has claimed responsibility for the early-morning attack. (AP Photo/Rahmat Gul)

अफगाणिस्तानची राजधानी काबूलमध्ये हमीद करझई विमानतळावर सोमवारी तालीबानी दहशतवाद्याने नाटो सैनिकांच्या ताफ्याला लक्ष्य करत आत्मघाती हल्ला केला. विमानतळाच्या पर्वेकडील प्रवेशद्वारावर एका कारमध्ये बॉम्ब ठेवून दहशतवाद्याने स्फोट घडवून आणला. स्फोटात एका नागरिकाचा मृत्यू, तर चार जण जखमी झाले आहेत. जखमींना सेक्युरिटी फोर्सेस रुग्णालयात दाखल करण्यात आले आहे.
दरम्यान, कालच पाकिस्तान्या लष्करप्रमुखांनी काबूल येथे भेट दिली होती. तर दोनच दिवसांपूर्वी पंतप्रधान नरेंद्र मोदी अफगाणिस्तानच्या एक दिवसीय दौऱयावर होते. मोदी देखील अफगाणिस्तानच्या याच विमानतळावर उतरले होते व तेथून अफगाणिस्तानच्या नव्या संसदेच्या इमारतीच्या उदघाटनाला रवाना झाले होते. भारताच्या सहय्याने उभारण्यात आलेल्या अफगाणिस्तानच्या नव्या संसदेच्या इमारतीचे मोदींच्या हस्ते उदघाटन करण्यात आले. संसदेच्या एका ब्लॉकला ‘अटल ब्लॉक’ असे नाव देखील देण्यात आले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Suicide car bomb strikes near kabul airport casualties feared

ताज्या बातम्या