scorecardresearch

Premium

उच्च न्यायालयाच्या फलज्योतिषविषयक आदेशाला स्थगिती; बलात्कार प्रकरणात सर्वोच्च न्यायालयाचा निर्णय

बलात्काराची बळी ठरलेली एक महिला ‘मांगलिक’ (मंगळ असलेली) आहे अथवा नाही हे लखनऊ विद्यापीठाच्या फलज्योतिष विभागाच्या प्रमुखांना ठरवण्यास सांगणाऱ्या अलाहाबाद उच्च न्यायालयाच्या विलक्षण आदेशाला सर्वोच्च न्यायालयाने शनिवारी स्थगिती दिली.

supreme court
सर्वोच्च न्यायालय

पीटीआय, नवी दिल्ली

बलात्काराची बळी ठरलेली एक महिला ‘मांगलिक’ (मंगळ असलेली) आहे अथवा नाही हे लखनऊ विद्यापीठाच्या फलज्योतिष विभागाच्या प्रमुखांना ठरवण्यास सांगणाऱ्या अलाहाबाद उच्च न्यायालयाच्या विलक्षण आदेशाला सर्वोच्च न्यायालयाने शनिवारी स्थगिती दिली.या प्रकरणाच्या सुनावणीसाठी शनिवारी विशेष बैठक (सीटिंग) घेणाऱ्या न्यायालयाने या प्रकरणाची स्वत:हून दखल घेतली. जामीन अर्जावर निर्णय घेताना ज्योतिषविषयक अहवाल का मागवण्यात आला हेच आपल्याला कळत नसल्याचे न्यायालयाने सांगितले.

chandrashekhar bawankule
सुप्रीम कोर्टाच्या निर्देशानंतर राजकीय हालचालींना वेग, भाजपाकडून ‘प्लॅन बी’ तयार? बावनकुळे म्हणाले…
canada allegations on india
India-Canada Conflict: कॅनडाचे भारतावर आरोप, अमेरिका व ऑस्ट्रेलियाचा कॅनडाला पाठिंबा; जागतिक स्तरावर भारतविरोधी भूमिका!
abhidnya bhave shared swami samarth experience
नवऱ्याच्या आजारपणात अभिज्ञा भावेला ‘अशी’ आली स्वामींची प्रचिती; अनुभव सांगत म्हणाली, “तेव्हा माझ्या डोळ्यात…”
canada prime minister justin trudeau (1)
कॅनडाच्या पंतप्रधानांचं जी २० परिषदेवेळीच बिनसलं होतं? ‘या’ कृतीमुळे झाली होती भारतीय सुरक्षा यंत्रणेची अडचण!

लग्नाचे खोटे आश्वासन देऊन महिलेवर बलात्कार केल्याचा आरोप असलेल्या इसमाच्या जामीन अर्जाची सुनावणी करताना उच्च न्यायालयाने २३ मे रोजी वरीलप्रमाणे आदेश दिला होता.ही महिला ‘मांगलिक’ असल्यामुळे, दोघांचा विवाह संपन्न होऊ शकला नाही आणि आपल्या अशिलाने त्यास नकार दिला, असा युक्तिवाद आरोपीच्या वकिलाने केला होता. मात्र, महिलेची बाजू मांडणाऱ्या वकिलाने ती ‘मांगलिक’ नसल्याचे न्यायालयाला सांगितले होते.
उच्च न्यायालयाने पक्षकारांच्या संमतीशिवाय हा आदेश पारित केला, असे तक्रारकर्त्यां महिलेतर्फे युक्तिवाद करणाऱ्या वकिलाने सांगितले.या आदेशाचा मूळ विषयाशी काही संबंध नसल्याचे सांगून, न्या. सुधांशु धुलिया व न्या. पंकज मित्तल यांच्या खंडपीठाने उच्च न्यायालयाच्या आदेशाला स्थगिती दिली.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 04-06-2023 at 01:48 IST

संबंधित बातम्या

गणेश उत्सव २०२३ ×