scorecardresearch

Premium

पुष्पगुच्छ द्यायला उशीर, मंत्र्याने अंगरक्षकाच्या श्रीमुखात भडकावली, VIDEO पाहून लोकांचा संताप

Telangana Home Minister Viral Video : तेलंगणाचे गृहमंत्री महमूद अली यांनी एका कार्यक्रमात आपल्या अंगरक्षकाच्या श्रीमुखात भडकावल्याचा व्हिडीओ व्हायरल होत आहे.

Mahmood Ali Slaps
हा व्हिडीओ पाहून लोकांनी संताप व्यक्त केला आहे. (PC : @Arvindharmapuri/X)

Mahmood Ali Slaps Guard Video Viral : तेलंगणाचे गृहमंत्री मोहम्मद महमूद अली यांचा एक व्हिडीओ समाजमाध्यमांवर व्हायरल होत आहे. यामध्ये महमूद अली हे त्यांच्या अंगरक्षकाच्या श्रीमुखात भडकावताना (कानशीलात लगावताना) दिसत आहेत. महमूद अली हे तेलंगणाचे पशूसंवर्धन मंत्री श्रीनिवास यादव यांच्या वाढदिवसाच्या कार्यक्रमाला गेले होते. या कार्यक्रमादरम्यान त्यांनी एका क्षुल्लक कारणावरून त्यांच्या अंगरक्षकाच्या कानशीलात लगावली.

या व्हायरल व्हिडीओत दिसतंय की, गृहमंत्री महमूद अली यांनी श्रीनिवास यादव यांना मिठी मारून वाढदिवसाच्या शुभेच्छा दिल्या. त्यानंतर पुश्पगुच्छ घेण्यासाठी ते त्यांच्या अंगरक्षकाकडे वळले आणि त्याच्या दिशेने हात केला. तेवढ्यात अंगरक्षक त्यांच्याजवळ आला. अंगरक्षकाच्या हातात पुष्पगुच्छ नसल्याने महमूद संतापले आणि त्यांनी अंगरक्षकाच्या कानशीलात लगावली.

kitchen jugaad stick bindi paper on gas cylinder
Kitchen jugaad: महिलांनो सिलिंडरखाली टिकलीचं पॅकेट नक्की ठेवा; मोठ्या समस्येवर उपाय, परिणाम पाहून डोळ्यांवर विश्वास बसणार नाही
maratha community marathi news, economically backward marathi news
मराठा समाजाला आर्थिकदृष्ट्या मागास म्हणता येणार नाही- उच्च न्यायालय
Eknath shinde devendra fadnavis 2
“शिवसेना भाजपाच्या दावणीला बांधलेली नाही”, लोकसभेच्या ‘त्या’ फॉर्म्युलावर शिंदे गट आक्रमक; म्हणाले, “आमच्याबरोबर दगाफटका…”
rohit pawar, baramati, lok sabha, supriya sule, sunetra pawar, ajit pawar, sharad pawar, maharashtra politics,
बारामतीत सुप्रिया सुळे विरुद्ध सुनेत्रा पवार नव्हे, ‘यांच्या’त होणार लढत, रोहित पवार यांचे मोठे विधान

पीटीआय या वृत्तसंस्थेने याबाबतचं वृत्त प्रसिद्ध केलं आहे. त्यानुसार हा व्हिडीओ आजचाच (६ ऑक्टोबर) आहे. टी. श्रीनिवास यादव यांना वाढदिवसाच्या शुभेच्छा द्यायला गेलेल्या महमूद अली यांना त्यांच्या अंगरक्षकाने पुष्पगुच्छ वेळेत दिला नाही, म्हणून त्यांनी अंगरक्षकाच्या कानशीलात लगावली. तर श्रीनिवास यादव यांनी महमूद यांना शांत करण्याचा प्रयत्न केला. याबाबत पीटीआयने महमूद अली यांची प्रतिक्रिया घेण्यासाठी त्यांच्याशी संपर्क साधण्याचा प्रयत्न केला. परंतु, त्यांच्याशी बातचीत होऊ शकली नाही.

हे ही वाचा >> Nobel Peace Prize : १३ वेळा अटक, चाबकाचे १५४ फटके अन् ३१ वर्ष तुरुंगवास, नर्गिस मोहम्मदींना यंदाचं शांततेचं नोबेल

दरम्यान, हा व्हिडीओ समाजमाध्यमांवर झपाट्याने व्हायरल होऊ लागला आहे. यावर लोकांच्या तीव्र प्रतिक्रया येत आहेत. अनेकांनी आपल्या प्रतिक्रिया देताना महमूद अली यांच्यावर टीका केली आहे, तसेच लोकांनी आपला संताप व्यक्त केला आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Telangana minister mahmood ali slaps bodyguard over delayed bouquet video viral asc

First published on: 06-10-2023 at 23:47 IST

संबंधित बातम्या

तुम्ही या बातम्या वाचल्या आहेत का? ×