Rajkot TRP Game Zone fire : राजकोटमध्ये शनिवारी (२५ मे) टीआरपी गेमिंग झोनमध्ये लागलेल्या आगीत २८ लोकांचा मृत्यू झाला होता. या प्रकरणी युवराज हरी सिंह सोलंकी आणि राहुल राठोड या दोन भागीदारांना पोलिसांनी अटक केली होती. तसेच नुकतेच हा गेमिंग झोन चालविणारा कर्मचारी नितीन जैनलाही पोलिसांनी ताब्यात घेतले होते. या तिघांनाही सोमवारी (दि. २७ मे) १४ दिवसांची पोलीस कोठडी सुनावण्यात आली आहे. आता या प्रकरणाचा मुख्य आरोपी धवल ठक्करला राजस्थानमधून ताब्यात घेण्यात आले आहे.

या प्रकरणात न्यायालयात आरोपींच्या विरोधात युक्तीवाद करणारे सरकारी वकील तुषार गोकानी यांनी माध्यमांशी बोलताना धक्कादायक माहिती दिली. युवराज सोलंकी या आरोपीने न्यायालयात जात असताना घडल्या प्रसंगाचा पश्चाताप असल्याचे नाटक केले. तो रडवेला चेहरा करून न्यायालयात आला. मात्र न्यायालयात आल्यानंतर काही मिनिटांतच निर्लज्जपणे हसून उत्तरे देत होता, असे गोकानी यांनी सांगितले.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: These types of things happen laughing owner tells court in rajkot gaming zone fire case kvg
First published on: 28-05-2024 at 16:42 IST