बिहारच्या मुझ्झफरपूर येथून घरातून पळून गेलेल्या तीन मुलींचे मृतदेह मुथेरीतील बजना पूलाजवळील रेल्वे ट्रॅकजवळ आढळून आले आहेत. तीनही मुलींच्या पालकांनी या आपल्याच मुली असल्याची ओळखही पटवली आहे. गौरी कुमारी (१४), मोहिनी कुमारी (१४) आणि माया कुमारी (१३) या तीनही मुली इयत्ता नववीत शिकत होत्या. तिघींची घट्ट मैत्री होती. काही दिवसांपूर्वी या तिघींनी घरातून पळ काढला होता. आम्ही आध्यात्माच्या शोधात हिमालयात जात आहोत, अशी चिठ्ठी मुलींनी लिहून ठेवली होती.

गौरी कुमारीचे वडील अमित यांनी सांगितले की, १३ मे रोजी मुलींनी घर सोडले होते. यावेळी त्यांनी घरी सोडलेल्या चिठ्ठीत लिहिले, “बाबाने आम्हाला बोलावले आहे. त्यामुळे आम्ही आध्यात्माच्या शोधात हिमालयात निघालो आहोत. आता तीन महिन्यांनी १३ ऑगस्ट रोजी आम्ही घरी परतू.” आम्हाला शोधण्याचा प्रयत्न केला तर आम्ही आत्महत्या करू, अशी धमकीही चिठ्ठीद्वारे मुलींनी दिली होती.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Three bihar girls found dead in mathura leaving note about spiritual quest kvg
First published on: 30-05-2024 at 13:42 IST