दोन आठवड्यांपूर्वी टर्कीत भूकंपाची विनाशकारी घटना घडली होती. टर्की आणि सीरीया देशात झालेल्या या भूकंपात हजारो लोकांचे प्राण गेले आहेत. या धक्क्यातून अद्याप देश सावरलाही नाही, तोपर्यंत टर्की आणि सीरीया देशाच्या सीमेवर आणखी एक भूकंप घडला आहे. हा भूकंप ६.३ रिश्टर स्केल तीव्रतेचा असल्याची माहिती समोर येत आहे. टर्कीच्या हाते (Hatay) प्रांतात ही भूकंपाची घटना घडली आहे.

यूरोपीय भूमध्य भूकंप विज्ञान केंद्राने (EMSC) दिलेल्या माहितीनुसार, या भूकंपाचा केंद्रबिंदू जमिनीपासून १.२ मैल अर्थात जवळपास दोन किलोमीटर खोल आहे. सोमवारी टर्की आणि सीरीया देशाचा सीमाभाग ६.३ रिश्टर स्केल तीव्रतेनं हादरला आहे. या दुर्घटनेत जीवितहानी झाल्याची अद्याप कोणतीही माहिती समोर आली नाही. दोन आठवड्यांपूर्वी याच प्रदेशात विनाशकारी आणि प्राणघातक भूकंपाची घटना घडली होती.

Anant Radhika's Pre-Wedding Ceremony Updates in Marathi
MS Dhoni : माही साक्षीसह अनंत राधिकाच्या प्री-वेडिंग सोहळ्यासाठी जामनगरला रवाना, VIDEO होतोय व्हायरल
Inspiring story of Mumbai's varun sawant who is autistic chef and ultra marathoner
गोष्ट असामान्यांची Video: ऑटिस्टक शेफ आणि अल्ट्रा मॅरेथॅानर वरुण सावंतचा प्रेरणादायी प्रवास
job opportunity in indian navy
नोकरीची संधी : इंडियन नेव्हीमधील भरती
quarantine ship in mauritus
मॉरिशसमध्ये अख्खे जहाजच केले क्वारंटाईन; ३,००० हून अधिक लोक अडकले समुद्रात; नेमके प्रकरण काय?

हेही वाचा- Turkey Syria Earthquake 2023 : दैवी चमत्कारच! २९६ तासानंतर ढिगाऱ्याखाली अडकलेल्या तीन नागरिकांना बचाव पथकानं सुखरूप बाहेर काढलं

टर्की आणि सीरियामध्ये झालेल्या विनाशकारी भूकंपामुळे मोठ्या प्रमाणात जीवित आणि वित्तहानी झाली आहे. या घटनेत आतापर्यंत ४६ हजारांपेक्षा जास्त नागरिकांचा मृत्यू झाल्याचा अंदाज व्यक्त केला जात आहे. हा आकडा आणखी वाढण्याची शक्यता आहे. दोन्ही देशामध्ये अद्याप बचावकार्य सुरु आहे. हे बचाव कार्य सुरू असताना याच भागात भूंकपाचे हादरले बसले आहेत. यामुळे स्थानिक लोक भयभीत झाले आहेत.