पीटीआय, श्रीनगर : जम्मू-काश्मीरच्या कुलगाम जिल्ह्यात सोमवारी सुरक्षा दलांशी झालेल्या चकमकीत दोन अज्ञात दहशतवादी ठार झाले. एका पोलीस अधिकाऱ्याने सांगितले, की दहशतवाद्यांच्या उपस्थितीची माहिती मिळाल्यानंतर सुरक्षा दलांनी जिल्ह्यातील तृब्जी भागातील नौपुरा-खेरपुरा येथे शोध मोहीम सुरू केली. त्यांनी सांगितले, की शोध मोहीम सुरू असताना चकमक उडाली. त्यात दोन दहशतवादी मृत्युमुखी पडले. मृत दहशतवाद्यांची ओळख पटवण्याचे आणि ते कोणत्या दहशतवादी संघटनेशी संबंधित आहेत हे शोधण्याचे प्रयत्न सुरू आहेत, असे पोलिसांकडून सांगण्यात आले. उशिरापर्यंत ही कारवाई सुरू होती.
