नवी दिल्ली : मराठीला अभिजात भाषेचा दर्जा मिळाल्यामुळे मराठी भाषेच्या संवर्धनासाठीही केंद्र सरकारच्या अनुदानासह सर्व लाभ देण्याची विनंती राज्य सरकारने बुधवारी केंद्रीय सांस्कृतिक मंत्रालयाला केली. या संदर्भातील केंद्राला ८-१० दिवसांत प्रस्ताव सादर केला जाईल, अशी माहिती मराठी भाषा व उद्याोगमंत्री उदय सामंत यांनी दिली.

मंत्री सामंत यांच्यासह साहित्य संस्कृती मंडळाचे अध्यक्ष व ज्येष्ठ साहित्यिक-अभ्यासक सदानंद मोरे, अभिजात भाषा पाठपुरावा समितीचे अध्यक्ष ज्ञानेश्वर मुळे, ज्येष्ठ साहित्यिक प्रदीप ढवळ व राज्य मराठी विकास संस्थेचे संचालक शामकांत देवरे यांनी दिल्लीत बुधवारी केंद्रीय सांस्कृतिक मंत्री गजेंद्रसिंह शेखावत यांची भेट घेतली. मराठीला ३ ऑक्टोबर २०२४ रोजी अभिजात भाषेचा दर्जा देण्याची घोषणा केंद्र सरकारने केली होती व त्यासंदर्भातील अधिसूचना ४ ऑक्टोबर रोजी काढण्यात आली.

Ganpat Gaikwad wrote letter to Kalyan Dombivli Municipal Commissioner with jail approval
गणपत गायकवाड यांचे तुरुंगातून विकास कामांसाठी कडोंमपा आयुक्तांना पत्र
mh370 search operation malaysian airlines
Malasian Airlines: बेपत्ता MH370 चा शोध; पुण्यातील प्रल्हाद…
veteran actor amol palekar remark in jaipur literature festival 2025
जयपूर साहित्य महोत्सव :सध्या सरकारविरोधात जो बोलतो तो देशद्रोही; अमोल पालेकर यांचे परखड मत
minister uday samant on Marathi language,
मराठीचा अनादर करणाऱ्यांची दादागिरी ठेचून काढू; मराठी भाषा मंत्री उदय सामंत यांचा इशारा
Dr Hartman said Pali is ancient language with valuable knowledge and literature published in Germany
जर्मनीतही पाली साहित्य प्रकाशित; पाली भाषेच्या संवर्धन आणि प्रचारासाठी प्रयत्न गरजेचे
Ministry of Skill Development launched skill courses in local languages now available in Marathi as well
कौशल्य विकासाचे धडे आता मातृभाषेतून; एनसीडीसीकडून मराठीमध्ये सुविधा
Ignoring voter growth led to Assembly elections defeat Vishal Patil admits
मतदार वाढीकडे केलेले दुर्लक्ष विधानसभा निवडणुकीत भोवले; विशाल पाटील यांची कबुली
session on how to use the money collected under Ladki Bahin Yojana will be given by the government Mumbai news
‘लाडक्या बहिणीं’ना आर्थिक साक्षरतेचे धडे!

हेही वाचा >>>अटकपूर्व जामिनाच्या मागणीसाठी सातारा जिल्हा सत्र न्यायाधीश उच्च न्यायालयात

केंद्राने अधिसूचना काढल्यामुळे अभिजात भाषेच्या संवर्धनासाठी केंद्राचे आर्थिक साह्य मराठी भाषेसाठीही मिळू शकते. अभिजात भाषांच्या संवर्धनासाठी केंद्र सरकार दरवर्षी २५० ते ३०० कोटी रुपयांचे अनुदान देते. त्यातील निधीचा वाटा मराठी भाषेसाठी उपलब्ध होऊ शकतो. मराठी ग्रंथ व साहित्याचा प्रचार, ग्रंथालये उभारणे, मराठी भाषेच्या प्रचारासाठी भाषा भवनाची उभारणी करणे आदी विविध कामांसाठी केंद्राच्या अनुदानाचा योग्य वापर करता येऊ शकतो. त्यासंदर्भात राज्य सरकारकडून प्रस्ताव दिला जाणार आहे.

अधिसूचना ४ ऑक्टोबरचीच

● ‘मराठी भाषेला अभिजात भाषेचा दर्जा मिळण्याचे मराठी भाषकांचे स्वप्न आज अधिकृतपणे पूर्ण झाले’, असेही सामंत पत्रकार परिषदेत म्हणाले. वास्तविक हे स्वप्न ४ ऑक्टोबर २०२४ रोजीच पूर्ण झाल्याचेे उघड होत आहे.

● केंद्राच्या सांस्कृतिक मंत्रालयाने ३ ऑक्टोबर रोजी मराठी भाषेला अभिजात भाषेचा दर्जा दिल्यानंतर दुसऱ्याच दिवशी म्हणजे ४ ऑक्टोबर २०२४ रोजी त्यासंदर्भातील अधिसूचनाही काढली. त्यामुळे मराठी भाषेला अधिकृतपणे अभिजात भाषेचा दर्जा तीन महिन्यांपूर्वीच मिळाला आहे. तरीही, ‘अधिसूचना काढण्यासंदर्भात शेखावत यांच्याशी चर्चा केली. त्यानंतर शेखावत यांनी अधिकृतपणे अधिसूचना आज महाराष्ट्राच्या जनतेकडे सुपूर्द केली’, असा दावा सामंत यांनी केला.

● मराठीला अभिजात भाषेचा दर्जा दिल्याबद्दल केंद्रीय सांस्कृतिक मंत्रालयाचे औपचारिक आभार मानण्यासाठी खरेतर सामंत यांनी शेखावत यांची भेट घेतली होती. त्याच औपचारिकतेतून शेखावत यांनी बुधवारी अधिसूचनेची प्रत सामंत यांना सुपूर्द केली. मात्र त्यातून अधिसूचना बुधवारी (८ जानेवारी) काढली गेल्याचा भास निर्माण झाला.

साहित्य संमेलनासाठी दोन कोटींचा निधी

पुण्यामध्ये ३१ जानेवारी, १ व २ फेब्रुवारी असे तीन दिवस विश्व मराठी साहित्य संमेलन होत आहे. या संमेलनाच्या उद्घाटनाला केंद्रीय मंत्री गजेंद्रसिंह शेखावत उपस्थित राहणार आहेत. तर राजधानी दिल्लीमध्ये २१ ते २३ फेब्रुवारी या काळात अखिल भारतीय मराठी साहित्य संमेलन होत असून, त्यासाठी २ कोटींचा निधी उपलब्ध करून दिल जाईल, अशी माहिती मंत्री उदय सामंत यांनी दिली.

Story img Loader