भारतीय जनता पार्टीचे नेते आणि केंद्रीय कायदेमंत्री किरेन रिजिजू यांच्या वाहनाला अपघात झाला आहे. जम्मू-काश्मीरमधील रामबन जिल्ह्यात हा अपघात घडला. केंद्रीय कायदेमंत्री शनिवारी जम्मू-श्रीनगर राष्ट्रीय महामार्गावरून प्रवास करत होते. दरम्यान त्यांच्या कारला एका ट्रकने धडक दिली. या अपघातात कुणालाही दुखापत झाली नाही. या अपघातानंतरचा एक व्हिडीओ सोशल मीडियात व्हायरल झाला आहे. ज्यामध्ये काही सुरक्षा रक्षक कायदेमंत्री किरेन रिजिजू यांना अपघातग्रस्त कारमधून बाहेर काढताना दिसत आहे. अपघातानंतर सुरक्षारक्षकांची झालेली धावपळ कॅमेऱ्यात कैद झाली आहे. या रस्ते अपघातात कुणालाही दुखापत झाली नाही.
