आता अमेरिकेला जाण्यासाठी ‘या’ गोष्टींची आवश्यकता नाही; बायडेन यांनी केली नव्या नियमांची घोषणा

व्हाईट हाऊसने पुष्टी केली की काही वैद्यकीय समस्या असलेल्या लोकांप्रमाणेच १८ वर्षाखालील मुलांना नव्या लसीकरणाच्या आवश्यकतांमधून सूट देण्यात आली आहे.

united-states
नवीन नियमांनुसार, आंतरराष्ट्रीय हवाई प्रवाशांना प्रस्थान करण्यापूर्वी तीन दिवसांच्या आत घेतलेल्या कोविड -१९ चाचणीचा निगेटिव्ह अहवाल सादर करणे आवश्यक आहे.

अमेरिकेचे अध्यक्ष जो बिडेन यांनी सोमवारी बहुतेक परदेशी राष्ट्रीय हवाई प्रवाशांसाठी नवीन लसीची आवश्यकता लादण्याच्या आणि चीन, भारत आणि युरोपमधील बर्‍याच भागांवरील गंभीर प्रवास निर्बंध उठवण्याच्या आदेशावर स्वाक्षरी केली, असे व्हाईट हाऊसने सांगितले. कोविड-१९ चा प्रसार रोखण्यासाठी २०२० च्या सुरुवातीला अमेरिकेकडून प्रवासी निर्बंध प्रथम लादण्यात आले होते. यावेळी ब्रिटनसह युरोपातल्या २६ देशांमधून अमेरिकेत येणाऱ्या विदेशी नागरिकांना प्रतिबंध करण्यात आला होता.

“कोविड-19 साथीच्या आजारादरम्यान पूर्वी लागू केलेले निर्बंध टप्प्याटप्प्याने हटवणे आणि आंतरराष्ट्रीय हवाई प्रवास सुरक्षितपणे सुरू करण्यासाठी प्रामुख्याने लसीकरणावर अवलंबून असलेले हवाई प्रवास धोरण स्वीकारणे हे युनायटेड स्टेट्सच्या हिताचे आहे”, असं अमेरिकेचे राष्ट्राध्यक्ष ज्यो बायडेन म्हणाले. व्हाईट हाऊसने पुष्टी केली की काही वैद्यकीय समस्या असलेल्या लोकांप्रमाणेच १८ वर्षाखालील मुलांना नव्या लसीकरणाच्या आवश्यकतांमधून सूट देण्यात आली आहे.

ताज्या घडामोडींसाठी येथे क्लिक करा.

देशव्यापी लसीकरण दर १०% पेक्षा कमी असलेल्या जवळपास ५० देशांतील गैर-पर्यटक प्रवासी देखील नियमांमधून सूट मिळण्यास पात्र असतील. ज्यांना सूट मिळते त्यांना युनायटेड स्टेट्समध्ये आल्यानंतर ६० दिवसांच्या आत लसीकरण करणे आवश्यक आहे. त्या देशांमध्ये नायजेरिया, इजिप्त, अल्जेरिया, आर्मेनिया, म्यानमार, इराक, निकाराग्वा, सेनेगल, युगांडा, लिबिया, इथिओपिया, झांबिया, काँगो, केनिया, येमेन, हैती, चाड आणि मादागास्कर यांचा समावेश आहे.

व्हाईट हाऊसने २० सप्टेंबर रोजी प्रथम खुलासा केला की ते ३३ देशांतील पूर्णपणे लसीकरण केलेल्या हवाई प्रवाशांसाठी नोव्हेंबरच्या सुरुवातीला निर्बंध हटवेल. “कुटुंब आणि मित्र एकमेकांना पुन्हा पाहू शकतात, पर्यटक आमच्या देशातल्या ऐतिहासिक ठिकाणांना भेट देऊ शकतात. या धोरणामुळे आर्थिक सुधारणांना आणखी चालना मिळेल,” असे स्टेट डिपार्टमेंटचे प्रवक्ते नेड प्राइस म्हणाले. बायडेन प्रशासनाने यूएस-बाउंड फ्लाइटमध्ये चढण्यापूर्वी विदेशी प्रवाशांनी लसीकरण केल्याची पुष्टी करण्यासाठी एअरलाइन्सने तपशीलवार आवश्यकतांचे पालन केले पाहिजे, अशा सूचना केल्या.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: United states international travellers covid vaccine rules vsk

ताज्या बातम्या