वॉशिंग्टन : अमेरिकेचे अध्यक्ष जो बायडेन यांनी भारतातील राजदूत पदासाठी लॉस एंजेलिसचे महापौर एरिक गार्सेटी यांच्या नावाची शिफारस केली आहे. आपण लॉस एंजेलिस शहराचा महापौर म्हणून ज्या वचनबद्धतेने व ऊर्जेने काम केले त्याच प्रकारे भारतात काम करू, अशी प्रतिक्रिया गार्सेटी यांनी दिली आहे. त्यांच्या नेमणुकीस सेनेटची मंजुरी मिळणे गरजेचे आहे. भारतातील आधीचे राजदूत जस्टर यांची नुकतीच परराष्ट्र मंडळाचे फेलो म्हणून निवड करण्यात आली. बायडेन यांनी डिनाईस कॅम्पबेल वॉवेर यांची नेमणूक मोनॅकोचे राजदूत म्हणून केली आहे.
