Venezuelan oil under a US-controlled system : व्हेनेझु एलावर सत्ता काबिज केल्यानंतर तेथील तेल व्यापार अमेरिकेच्या अंमलात आला आहे. त्यामुळे अमेरिकेच्या नव्या नियमांच्या अधीन राहून भारत व्हेनेझुएलातून तेल खरेदी करू शकणार आहे, असे संकेत ट्रम्प प्रशासनाच्या एका वरिष्ठ अधिकाऱ्याने दिलेत. परिणामी अमेरिकेच्या निर्बंधांमुळे गोठलेला व्यापार अंशतः पुन्हा सुरू होण्याची शक्यता वाढली आहे. इंडिया टुडेने यासंदर्भातील वृत्त दिलं आहे.
व्हेनेझुएलाच्या वाढत्या आणि प्रचंड ऊर्जेच्या गरजा लक्षात घेता, अमेरिका भारताला पुन्हा व्हेनेझुएलाच्या कच्च्या तेलाची खरेदी सुरू करण्यास तयार आहे का, असे थेट विचारले असता, त्याचे उत्तर स्पष्ट होते. “होय,” प्रशासनाच्या अधिकाऱ्याने आयएएनएसला सांगितले, परंतु बारकावे अजूनही तयार केले जात आहेत यावर भर दिला. सर्व देशांना व्हेनेझुएलाचे तेल विकण्यास तयार असल्याचं वक्तव्य अमेरिकेचे ऊर्जा सचिव क्रिस्टोफर राइट यांनी म्हटलं होतं. या वृत्ताचा अहवाल देत प्रशासकीय अधिकाऱ्याने भारतही हे तेल खरेदी करू शकेल असे संकेत दिले आहेत.
भारत हा व्हेनेझुएलाचा मोठा खरेदीदार होता. भारतातील रिफायनरीसाठी भारत मोठ्या प्रमाणात कच्च्या तेलाची खरेदी होत असे. त्यामुळे अमेरिकेने परवानगी दिल्यास भारत पुन्हा व्हेनेझुएलातून तेल खरेदी करू शकणार आहे.
ही तर आर्थिक संधी
दरम्यान, अमेरिकेचे अध्यक्ष डोनाल्ड ट्रम्प यांनी सांगितले की, व्हेनेझुएलाचे माजी अध्यक्ष निकोलस मादुरो यांना पदावरून हटवल्यानंतर अमेरिका एका नवीन व्यवस्थेअंतर्गत ५० दशलक्ष बॅरल व्हेनेझुएलाचे कच्चे तेल शुद्ध करेल आणि विकेल. जगातील काही मोठ्या तेल कंपन्यांच्या वरिष्ठ प्रशासनिक अधिकाऱ्यांसोबत झालेल्या बैठकीत बोलताना ट्रम्प यांनी या निर्णयाला आर्थिक संधी आणि राजकीय पुनर्संचयित करण्याची संधी असे म्हटले.
व्हेनेझुएलाच्या तेल क्षेत्राच्या पुनरुज्जीवनावर वॉशिंग्टन कडक नियंत्रण ठेवेल, असं डोनाल्ड ट्रम्प यांनी स्पष्ट केलं. ट्रम्प म्हणाले की त्यांचे प्रशासन कोणत्या कंपन्यांना गुंतवणूक करण्याची परवानगी आहे हे ठरवेल, भांडवल प्रवाह आणि उत्पादन दोन्ही व्यवस्थापित केले जातील. तसंच, ट्रम्प यांनी अमेरिकन तेल कंपन्यांना व्हेनेझुएलाच्या तेल पायाभूत सुविधांची दुरुस्ती करण्यास आणि उत्पादनात झपाट्याने वाढ करण्यास सांगितले आहे.
