Uttar Pradesh Kushinagar : मन सुन्न करणारी घटना! हॉस्पिटलचं ४ हजारांचं बिल भरण्यासाठी पैसे नसल्याने वडिलांनी तीन वर्षांच्या मुलाला विकलं

नेमकी घटना काय घडली?

उत्तर प्रदेशच्या कुशीनगर जिल्ह्यातील एका व्यक्तीने आपल्या गर्भवती पत्नीला खासगी हॉस्पिटलमध्ये दाखल केलं होतं. मात्र, त्यानंतर पत्नीला आणि नवजात बाळाला खासगी हॉस्पिटलमधून घरी घेऊन जाण्यासाठी हॉस्पिटलचं बिल भरण्यासाठी त्यांच्याकडे चार हजार रुपये नव्हते. मात्र, हॉस्पिटलचं बिल भरल्याशिवाय पत्नीला आणि नवजात बाळाला डिस्चार्ज देण्यास हॉस्पिटलने नकार दिला. त्यामुळे त्या हाताश झालेल्या व्यक्तीने आपल्या २ वर्षाच्या दुसऱ्या निरागस मुलाला विकण्याचा निर्णय घेतला.

आणखी वाचा

घरात डासांची दहशत वाढतेय? डासांचा नायनाट करण्यासाठी करा ‘हे’ तीन जबरदस्त उपाय

“लग्नाची बातमी सर्वात आधी राज ठाकरेंना…”, प्रेमाची जाहीर…

व्यथा पोलिसांच्या : घर व सेवा वसाहतींचा प्रश्न रखडलेला

कारवीचं फुलणं… एक क्लेशदायक अनुभव

पाच वर्षांच्या मुलावर अल्पवयीनांकडून अत्याचार

वसई : ८ लाखांचे कर्ज फेडण्यासाठी तरुणाची योजना, प्रेयसीच्या मदतीने मामाच्या घरात चोरी

पाच कोटींच्या खंडणीसाठी पुजाऱ्यासह शिष्यांचे अपहरण, कर्नाटकातून तिघे अटकेत

Law Student Theft Case : गर्लफ्रेंडचा शॉपिंग आणि आयफोनचा हट्ट पूर्ण करण्यासाठी कायद्याचं शिक्षण घेणारा विद्यार्थी करायचा चोरी; ‘असा’ अडकला पोलिसांच्या जाळ्यात

हेही वाचा : Lucknow Building Collapse : उत्तर प्रदेशमध्ये तीन मजली इमारत कोसळली; पाच जणांचा मृत्यू, २४ जखमी; २८ जणांना ढिगाऱ्यातून बाहेर काढण्यात यश

यानंतर त्या व्यक्तीने आपल्या २ वर्षाच्या मुलाला २० हजार रुपयांमध्ये विकले. मात्र, यावेळी कोणालाही संशय येऊ नये म्हणून मुलगा विकत घेणाऱ्यांनी मुलगा दत्तक दिला आहे, असं वाटावं म्हणून एका पत्रकावर सही घेतल्याची माहिती सांगितली जात आहे. यानंतर त्या पतीने आपल्या पत्नीचे आणि नवजात बाळाचं हॉस्पिटलचं ४ हजार रुपयांचं बिल भरलं आणि पत्नीला व बाळाला हॉस्पिटलमधून घरी नेलं. या घटनेची माहिती मिळताच आईला रडू कोसळलं.

दरम्यान, यानंतर या घटनेची गावात चर्चा झाली आणि यानंतर हे प्रकरण पोलिसांपर्यंत पोहोचलं. हे जोडप मोलमजुरीचं काम करत असल्याचं स्थानिक गावकरी सांगतात. त्यांना ६ अपत्य असल्याचंही सांगितलं जात आहे. त्यांचं पालनपोषण ते मोलमजुरी करून करतात. दरम्यान, या घटनेबाबत सोशल मीडियावरही काही पोस्ट व्हायरल झाल्या आणि संतापाची लाट उसळली. त्यानंतर पोलिसांनी तपास केला असता ही धक्कादायक घटना समोर आली.

यानंतर पोलिसांनी तातडीने कारवाई केली. या प्रकरणात पोलिसांनी शनिवारी मुलाला घेऊन जाणाऱ्या जोडप्यासह पाच जणांना अटक केली. तसेच हॉस्पिटलचं बिल भरण्यासाठी मुलाला विकण्यास भाग पाडल्याप्रकरणी पोलिसांनी हॉस्पिटलमधील दोघांना अटक केली असून मुलाची विक्री करणारा मध्यस्थ आणि मुलाला विकत घेणाऱ्या व्यक्तीला अटक करण्यात आल्याची माहिती सांगितली जात आहे. या प्रकरणाचा पुढील तपास पोलीस करत आहेत.