उत्तर प्रदेशात समाजवादी पार्टीचं ‘खेला होई’!; विधानसभा निवडणुकीसाठी जोरदार तयारी

पश्चिम बंगालमधील ‘खेलो होबे’च्या घोषणेवरून उत्तर प्रदेशात ठिकठिकाणी फलकबाजी करण्यात आली आहे. समाजवादी पार्टीने निवडणुकीसाठी तयारी केली आहे.

Uttar Pradesh SP Khela Hoi
उत्तर प्रदेशात समाजवादी पार्टीचं 'खेला होई'!; विधानसभा निवडणुकीसाठी जोरदार तयारी

पश्चिम बंगाल विधानसभा निवडणुकीत ममता बॅनर्जी यांच्या तृणमुल काँग्रेस पक्षाने तिसऱ्यांदा सत्ता मिळवली आहे. या विधानसभा निवडणुकीत तृणमूल काँग्रेसने ‘खेलो होबे’ची घोषणा दिली होती. या घोषणेमुळे पश्चिम बंगालमध्ये राजकीय वातावरण चांगलंच ढवळून निघालं होतं. तृणमुल काँग्रेस विरुद्ध भाजपा असा सामना पाहायला मिळाला होता. मात्र तृणमूल काँग्रेसने भाजपाला चितपट करत विधानसभेत बहुमत मिळवलं. आता तोच कित्ता समाजवादी पार्टीने उत्तर प्रदेशात गिरवण्याचं मानस केला आहे. ‘खेलो होबे’च्या घोषणेवरून उत्तर प्रदेशात ठिकठिकाणी ‘खेला होई’ या घोषणेची फलकबाजी करण्यात आली आहे. २०२० विधानसभा निवडणुकीसाठी उत्तर प्रदेशात समाजवादी पार्टीने ही घोषणा दिली आहे. ‘खेला होबे’चं हे ‘खेला होई’ हे भोजपुरी वर्जन आहे.

कानपूरमध्य़े समाजवादी पार्टीने ठिकठिकणी ‘अब युपी में खेला होई’ अशा घोषणा असणारे फलक लावले आहेत. या फलकावर समाजवादी पार्टीचे नेते अखिलेश यादव, समाजवादी पार्टीचं सायकल चिन्हं आणि स्थानिक नेत्यांचे फोटो आहेत. या घोषणेद्वारे समाजवादी पार्टीने योगी सरकारविरुद्ध शंखनाद केला आहे. समाजवादी पार्टीचे कानपूर शहरप्रमुख डॉ. इम्रान यांनी यासाठी पुढाकार घेतला आहे.

बाबा का ढाबा: यूट्युबर्समुळेच मला प्रचंड मानसिक त्रास; कांता प्रसाद यांचा आरोप

“आम्ही हे फलक संपूर्ण कानपूरमध्ये लावले आहेत. कारण पश्चिम बंगालच्या जनतेने जो धडा भाजपाला शिकवला. तो धडा उत्तर प्रदेश २०२२ निवडणुकीत जनता भाजपाला शिकवेल”, असं समाजवादी पार्टीचे नेते डॉ. इम्रान यांनी सांगितलं. समाजवादी पार्टीचे नेते अखिलेश यादव यांनीही केंद्र आणि राज्य सरकारवर टीकेचे बाण सोडले आहेत. भाजपाने अर्थव्यवस्थेचे तीनतेरा वाजल्याचा आरोप त्यांनी केला आहे. त्यामुळे बेरोजगारी वाढल्याचंही त्यांनी सांगितलं आहे.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Uttar pradesh samajwadi party strong preparation for assembly election slogan khela hoi rmt

ताज्या बातम्या