scorecardresearch

देशाचे उपराष्ट्रपती वेंकय्या नायडूंना करोनाची लागण; ट्विटरवरून दिली माहिती

देशाचे उपराष्ट्रपती वेंकय्या नायडू यांना करोनाची लागण झाली आहे.

Venkaiah Naidu
संग्रहीत छायाचित्र (पीटीआय)

देशात करोनाचे रुग्ण सातत्याने वाढत आहेत. अनेक सेलिब्रिटी आणि राजकीय नेत्यांनाही करोनाची लागण झाली आहे. अशातच देशाचे उपराष्ट्रपती वेंकय्या नायडू यांना देखील करोनाची लागण झाली आहे. त्यांनी ट्विटवरून करोना झाल्याची माहिती दिली.

रविवारी उपराष्ट्रपती वेंकय्या नायडू यांची हैदराबादमध्ये करोना चाचणी पॉझिटिव्ह आली. ते एका आयसोलेशनमध्ये राहतील, अशी माहिती त्यांच्या सचिवालयाने ट्विटरद्वारे दिली. “त्याच्या संपर्कात आलेल्या सर्वांनी स्वतःला आयसोलेट करून चाचणी घ्यावी,” असे ट्विटमध्ये म्हटले आहे.

यापूर्वी त्यांनी नेताजी सुभाषचंद्र बोस यांना त्यांच्या १२५व्या जयंतीनिमित्त हैदराबाद येथील स्वातंत्र्यसैनिकांच्या प्रतिमेला आदरांजली वाहिली. त्याची छायाचित्रे त्याच्या अधिकृत ट्विटर अकाउंटवर पोस्ट करण्यात आली आहेत. “महान राष्ट्रवादी, महान स्वातंत्र्यसेनानी आणि दूरदर्शी नेते, नेताजी सुभाषचंद्र बोस यांना आज त्यांच्या जयंतीनिमित्त विनम्र अभिवादन,” असे त्यांनी लिहिले होते.

देशातील करोना परिस्थिती…

देशभरात करोना महमारीची तिसरी लाट आलेली आहे. दैनंदिन रूग्ण संख्येत मोठी वाढ दिसून येत आहे, शिवाय करोनाबाधितांच्या मृत्यू संख्येतही भर पडतच आहे. मागील २४ तासात देशात ३ लाख ३३ हजार ५३३ नवीन करोनाबाधित आढळून आले, ही संख्या कालच्या तुलनेत ४ हजार १७१ रूग्णांनी कमी आहे. तर,५२५ करोनाबाधित रूग्णांचा मृत्यू झाल्याची देखील नोंद झाली आहे.

देशात ओमायक्रॉन समुह संसर्गाच्या टप्प्यात, तज्ज्ञांच्या पॅनलचा गंभीर इशारा

याशिवाय मागील २४ तासात २ लाख ५९ हजार १६८ रूग्ण करोनामुक्त झाले आहेत. देशातील अॅक्टिव्ह केसेसची संख्या २१ लाख ८७ हजार २०५ आहे. दैनंदिन पॉझिटिव्हिटी रेट १७.७८ टक्के आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Vice president venkaiah naidu tests positive for covid 19 hrc