Vijay Oath Swearing Ceremony “मी जोसेफ विजय शपथ घेतो की…”, तमिळनाडूच्या मुख्यमंत्रिपदी विजय विराजमान

तमिळगा वेत्री कझगमचे (टीव्हीके) प्रमुख आणि दाक्षिणात्य चित्रपटसृष्टीतील प्रसिद्ध अभिनेते सी. जोसेफ विजय यांनी आज (रविवार) मुख्यमंत्रीपदाची शपथ घेतली. चेन्नईतील जवाहरलाल नेहरू स्टेडियममध्ये हा शपथविधी सोहळा पार पडला. या सोहळ्याला अनेक राजकीय नेत्यांसह राहुल गांधीसुद्धा उपस्थित होते. तर अभिनेत्री त्रिशा कृष्णनच्या उपस्थितीने यावेळी सर्वांचं लक्ष वेधलं. निळ्या रंगाची साडी नेसून अत्यंत पारंपरिक पोशाखात त्रिशा या शपथविधी सोहळ्याला उपस्थित होती. कार्यक्रमस्थळी त्रिशा येताच सर्वांच्या नजरा तिच्यावरच खिळल्या होत्या. गेल्या काही काळापासून थलपती विजय यांच्यासोबत त्रिशाचं नाव जोडलं जात आहे. त्यामुळे या शपथविधी सोहळ्यातील तिच्या उपस्थितीची विशेष चर्चा रंगली. त्रिशाने यावेळी विजय यांची आई आणि बहिणीचीही गळाभेट घेतली.

जोसेफ विजय यांनी तामिळनाडूचे मुख्यमंत्री म्हणून शपथ घेतली आहे. राज्यपाल विश्वनाथ अर्लेकर यांनी त्यांना पद आणि गोपनीयतेची शपथ दिली. त्यानंतर विजय यांच्यानंतर आनंद यांनी मंत्री म्हणून शपथ घेतली. विजय यांच्यानंतर, टीव्हीकेचे आमदार थिरू एन. आनंद यांनी तामिळनाडूमध्ये मंत्री म्हणून शपथ घेतली. ते विजय यांच्या जवळचे मानले जातात. त्यानंतर विजय यांचे निकटचे सहकारी आणि विल्लिवाक्कम मतदारसंघाचे आमदार अधव अर्जुन यांनी तिसऱ्यांदा शपथ घेतली. ते बास्केटबॉल फेडरेशनचे अध्यक्षही आहेत. त्यांनी डीएमकेचे कार्तिक मोहन यांचा पराभव केला. टीव्हीकेचे महासचिव अरुण राज यांनी शपथ घेतली. ते तिरुचेंगोडे मतदारसंघातून आमदार म्हणून निवडून आले आहेत. त्यांना प्रशासकीय कामाचा दांडगा अनुभव असून, तो विजय यांच्या सरकारसाठी उपयुक्त ठरेल. सेंगोत्तैयन हे विजय यांच्या सरकारमध्ये मंत्री झाले आहेत.

विजयने पहिल्यांदा राज्यपालांची भेट घेतली त्यावेळी राज्यातील सर्वात मोठा पक्ष म्हणून सत्ता स्थापनेची संधी मिळावी अशा स्वरुपाचे पत्र दिले नव्हते. त्याने स्वतःच्या १०८ आमदारांसह काँग्रेसच्या ५ आमदारांचा पाठिंबा असल्याचे ११२ जणांच्या पाठिंब्याचे पत्र सादर केले होते. यामुळेच राज्यपालांनी विजयला बहुमत घेऊन ये आणि सत्ता स्थापनेचा दावा कर अशी सूचना केली. आता विजयने १२१ आमदारांची जुळवाजुळव झाल्यानंतर राज्यपालांची भेट घेऊन सत्ता स्थापनेचा दावा केला.

विजय यांच्या शपथविधी सोहळ्याला आता काही वेळातच सुरुवात होणार आहे. लोकसभेचे विरोधी पक्षनेते राहुल गांधी हे चेन्नईतल्या जवाहरलाल नेहरु मैदानावर आवर्जून उपस्थित आहेत. तसंच इतरही दिग्गजाची या सोहळ्याला उपस्थिती आहे.

विजय यांच्यासह नऊ आमदारांचाही मंत्री म्हणून शपथविधी सोहळा जवाहरलाल नेहरु मैदानातच पार पडणार आहे. विजय यांच्या मंत्रिमंडळात आमदार कीर्तना या सर्वात तरुण मंत्री असणार आहेत. त्या अवघ्या २९ वर्षांच्या आहेत. कीर्तना या शिवकाशी या मतदारसंघातून निवडणून आल्या आहेत.

चेन्नईतल्या जवाहरलाल नेहरु मैदानावर विजय यांचा शपथविधी सोहळा पार पडणार आहे. आज सकाळी १० वाजता हा शपथविधी सोहळा पार पडणार आहे. यासाठीची सगळी जय्यत तयारी करण्यात आली आहे.