सामान्य नागरिक आपल्या समस्या विविध माध्यमातून सरकार दरबारी पोहोचवत असतो. सरकारकडून या समस्या कधी सोडवल्या जातात तर कधी दुर्लक्ष केल्या जातात. आता तर, सोशल मीडियासारखे अस्त्र सामान्यांच्या हाती आल्याने एक ट्विट केल्यास संबंधित यंत्रणेपर्यंत आपली समस्या पोहोचू शकतो. असाच एक प्रयोग केलाय एका जम्मूमधील एका शाळकरी मुलीनं. तिने आपल्या शाळेची झालेली पडझड एका व्हिडीओच्या माध्यमातून शूट केली आणि थेट मोदींनाच विनंती केली. “आम्हाला चांगली शाळा बांधून द्या. येथे बसून आमचे कपडे खराब होतात, त्यामुळे आई ओरडते”, अशी विनंती या मुलीने व्हिडीओच्या माध्यमातून पंतप्रधान नरेंद्र मोदींकडे केली आहे. हा व्हिडीओ सोशल मीडियावर तुफान व्हायरल झाला असून जवळपास २ मिलिअन्सपेक्षा जास्त लोकांनी हा व्हिडीओ पाहिला आहे.

या व्हिडीओमधील शाळकरी मुलगी जम्मूच्या कठुआ येथील लोहिया मल्हार गावातील आहे. तिचं नाव आहे सीरत नाज. तिच्या शाळेची अक्षरशः पडझड झाली आहे. बसायला बेंच नाहीत. त्यामुळे रेती असलेल्या जमिनीवर बसून अभ्यास करावा लागतो. यामुळे गणवेश खराब होतो, अशी तक्रार तिने व्हिडीओच्या माध्यमातून केली आहे. तसंच, जर्जर झालेल्या संपूर्ण शाळेची सफरच या व्हिडीओच्या माध्यमातून घडवली आहे.

satej patil to visit vishalgad to ensure peace
आम्ही उद्या विशाळगडला जाणार; कोणीही रोखू नये- सतेज पाटील
tumor, woman, stomach, doctors,
महिलेच्या पोटातून काढली पावणेपाच किलोची गाठ, कामा रुग्णालयातील डॉक्टरांनी शस्त्रक्रिया करून दिले जीवदान
kidney racket In vijaywada
मुलांच्या शिक्षणासाठी रिक्षाचालकाने किडनी विकली; पण पैशांऐवजी त्याला…
worli hit and run case
Worli Hit and Run Case : प्रदीप नाखवांचा हा आक्रोश पाहून तुमचंही मन हेलावून जाईल! म्हणाले, “मी बोनेटवर हात मारला, पण…”
The team of the film amhi Jarange garajvant marathyacha Ladha at the office of Loksatta
आरक्षणामागच्या समाजभावनेची गोष्ट; ‘आम्ही जरांगे गरजवंत मराठ्यांचा लढा’ चित्रपटाची टीम ‘लोकसत्ता’ कार्यालयात
Kotak Group is the beneficiary of Adani stock fall The Hindenburg revelations claim that the costs outweigh the benefits
‘के’ म्हणजे कोटक समूहच अदानींच्या समभाग पडझडीची लाभार्थी! हिंडेनबर्गच्या खुलाशात नफ्यापेक्षा खर्चच अधिक झाल्याचा दावा
man commits suicide due to inability to pay for childrens education
सोलापूर : मुलांच्या शिक्षणाचा खर्च भागेना म्हणून पित्याची आत्महत्या
People of this 5 zodiac sign will earn money day and night, due to Mercury rising
दिवस रात्र पैसा कमावतील या ५ राशीचे लोक, बुध उदयामुळे नोकरी-व्यवसायामध्ये होईल प्रगती

चिमुकलीची पंतप्रधानांकडे विनंती

व्हिडीओमध्ये मुलगी पंतप्रधान नरेंद्र मोदी यांना म्हणते की, ‘कसे आहात तुम्ही, बरे आहात का? माझं नाव सीरत नाज आहे. मी लोहिया बाजारात राहते. मला तुम्हाला काहीतरी सांगायचं आहे. मी गर्व्हमेंट हायस्कूल, लोहियामध्ये शिकते. तुम्ही सर्वांचं ऐकता. मग माझंही ऐका, असं म्हणत शाळकरी मुलगी तिच्या व्हिडीओच्या माध्यमातून पडझड झालेल्या शाळेची सफर घडवते.

‘ही माझी शाळा आहे, असं म्हणत ती त्यांच्या शाळेचा बंद असलेला स्टाफ रुम आणि मुख्यध्यापकांची खोली दाखवते. तसंच, खड्डे पडलेल्या जमिनीवर बसून आम्हाला अभ्यास करावा लागतो. कृपया आमच्यासाठी एक चांगली शाळा बनवा ना’, अशी विनंतीही ती या व्हिडीओच्या माध्यमातून करते.

तसंच, शाळेच्याच बाजूला असलेली एक निर्माणाधीन इमारत ती दाखवते. गेल्या पाच वर्षांपासून ही शाळेची इमारत बनत असल्याचं ती म्हणते. ‘या निर्माणाधीन इमारतीतच मुलं अभ्यास करतात. माझी आपल्याला विनंती आहे की एक चांगली शाळा बनवून द्या. या खराब फरशीमुळे आमचा गणवेश खराब होतो. त्यामुळे आम्हाला आई मारते,’ असं म्हणत ती शाळेचा वरचा मजलाही दाखवते. वरच्या मजल्यावरही वर्गखोल्यांची दयनीय अवस्था झाल्याचं व्हिडीओच्या माध्यमातून दिसत आहे.

या संपूर्ण व्हिडीओच्या माध्यमातून ती जवळपास तीन ते चारवेळा “प्लिज मोदीजी एक अच्छा सा स्कुल बनवा दो ना”, अशी विनंती करते. तिचा हा व्हिडीओ सोशल मीडियावर तुफान व्हायरल झाला असून लोकांनीही या चिमुकलीच्या शाळेबाबत दुःख व्यक्त केलं आहे. त्यामुळे मोदींनी लवकरात लवकर अशा पडझड झालेल्या शाळांची पूनर्बांधणी करावी, अशी मागणी नेटिझन्सने केली आहे.