Vladimir Putin : व्लादिमीर पुतिन यांनी रशियाच्या अध्यक्षपदाच्या निवडणुकीत ८८ टक्के मतांनी विजय मिळवला आहे. या विजयामुळे सलग पाचव्यांना पुतिन हे रशियाची सूत्रं हाती घेणार आहेत. रॉयटर्सने या विषयीचं वृत्त दिलं आहे. रविवारच्या निकालांनुसार व्लादिमीर पुतिन यांना ८७.९७ टक्के मतांनी विजय मिळवल्याचं रॉयटर्सने म्हटलं आहे. १९९९ पासून रशियात पुतिनराजच आहे. बोरिस येल्तसिन यांनी १९९९ मध्ये त्यांच्याकडे सत्तेची सूत्र सोपवली होती. तेव्हापासून पुतिन एकही निवडणूक हरलेले नाहीत.

रविवारी निकालात पुतिन विजयी

शुक्रवारी सुरु झालेलं मतदान तीन दिवस चाललं. त्यानंतर लागलेल्या निकालात पुतिन यांनी ८८ टक्के मतं मिळवत विजय मिळवला. पुतिन यांचे कट्टर विरोधक ॲलेक्सी नवलनी यांचा गेल्या महिन्यात आर्क्टिक तुरुंगात मृत्यू झाला. त्यांचे इतर टीकाकार तुरुंगात आहेत. ७१ वर्षीय पुतिन यांच्या विरोधात तीन प्रतिस्पर्ध्यांनी निवडणूक लढवली, ज्यांना क्रेमलिनचे जवळचे मानले जाते. तिघांनीही त्यांच्या २४ वर्षांच्या राजवटीवर किंवा दोन वर्षांपूर्वी युक्रेनविरुद्ध विशेष लष्करी कारवाई सुरू करण्याच्या निर्णयावर टीका करणं टाळलं होतं. आता पुतिन पुन्हा एकदा रशियाचे राष्ट्राध्यक्ष म्हणून विराजमान होणार आहेत.

putin in china
युक्रेन युद्धादरम्यान पुतिन आणि जिनपिंग यांची भेट; या भेटीचा नेमका अर्थ काय?
Russia defence minister Andrei Belousov
रशिया- युक्रेन युद्धः लष्करी पार्श्वभूमी नसलेल्या नेत्याला पुतिन यांनी केले संरक्षणमंत्री, कारण काय?
russia prime minister Mikhail Mishustin
पुतिन यांना रशियाच्या पंतप्रधानपदी मिशुस्तिनच का हवेत; कोण आहेत मिखाईल मिशुस्तिन?
BJP confused by Prime Minister Narendra Modi appeal regarding Shiv Sena NCP
पंतप्रधान मोदींच्या आवाहनाने सारेच संभ्रमात; नकली शिवसेना, नकली राष्ट्रवादीने ‘रालोआ’त यावे!
Who will win in Baramati NCP state president Sunil Tatkare gave the answer
बारामतीमध्ये कोण जिंकणार? राष्ट्रवादी काँग्रेसचे प्रदेशाध्यक्ष सुनील तटकरे यांनी दिले उत्तर…
Who is Sadiq Khan
लंडनमधील पाकिस्तानी वंशाचे महापौर सादिक खान कोण आहेत?
innovative experiments in presidential election on american foreign policy
लेख : अमेरिकी परराष्ट्र धोरणाचे प्रयोग..
Blinken calls for handling differences responsibly in talks with Xi jinping
मतभेद जबाबदारीने हाताळावेत! जिनपिंग यांच्याबरोबरच्या चर्चेत ब्लिंकन यांचे आवाहन; चीनचा सहमतीवर भर

निवडणूक निष्पक्ष नव्हती असा अमेरिकेचा आरोप

पुतिन यांच्या विरोधकांनी मतदान केंद्रांवर निदर्शनं केली होती. जी निवडणूक झाली ती निष्पक्षपाती आणि स्वतंत्र नव्हती असं अमेरिकेने म्हटलं आहे. मात्र आता पुतिन यांच्या विजयानंतर त्यांचा सहा वर्षांचा कार्यकाळ हा निश्चित झाला आहे. या विजयामुळे पुतिन यांनी दीर्घकाळ सत्तेवर राहण्याचा जोसेफ स्टॅलिन यांचा रेकॉर्ड मोडला आहे. रशियाच्या इतिहासात मागच्या दोनशे वर्षात दीर्घकाळासाठी राष्ट्राध्यक्ष राहण्याचा रेकॉर्ड हा पुतिन यांच्या नावे झाला आहे.

हे पण वाचा- अमेरिकेतील निवडणुकीत ‘पुतिन फॅक्टर’? बायडेन-ट्रम्प लढतीमध्ये रशियाचा हस्तक्षेप?

रशियाच्या निवडणूक आयोगाच्या अधिकाऱ्यांनी दिलेल्या माहितीनुसार, या राष्ट्रपतीपदाच्या निवडणुकीत ८० लाखांहून अधिक मतदारांनी ऑनलाईन मतदान केलं. रशियाच्या अध्यक्षपदाच्या निवडणुकीत इलेक्ट्रॉनिक मतदानाचा वापर करण्याची ही पहिलीच वेळ होती. व्लादिमीर पुतिन यांनी पहिलं मतदान केलं, त्यानंतर मतदानाला सुरुवात झाली. पुतिन यांच्याविरोधात शुक्रवार आणि शनिवारी अनेक ठिकाणी निदर्शनं करण्यात आली आणि मतपत्रिका खराब करण्याचा प्रयत्न करण्यात आला.