विवेक अग्निहोत्री दिग्दर्शित ‘द कश्मीर फाइल्स’ चित्रपटाची गेल्या काही दिवसांपासून देशभरात चांगलीच चर्चा पाहायला मिळत आहे. या चित्रपटाने बॉक्स ऑफिसवर नवनवीन विक्रम रचले. तर दुसरीकडे या चित्रपटावरुन राजकारणही चांगलेच तापले आहे. काश्मीरमधील पंडितांवर १९९० साली झालेल्या अत्याचारांसंदर्भातील कथानकावर हा चित्रपट आधारित आहे. अनेक दिग्गज कलाकारांसह पंतप्रधान मोदी आणि राजकारण्यांनी या चित्रपटावर आपली प्रतिक्रिया दिली. दरम्यान, आता केंद्रीय गृहमंत्री अमित शाह यांनी हा चित्रपट का बघावा, याबद्दल वक्तव्य केलं आहे.

अमित शाह म्हणाले की, “ज्यांनी हा चित्रपट पाहिला नाही त्यांनी हा चित्रपट जरूर पाहावा, जेणेकरून काँग्रेसच्या काळात काश्मीर किती दडपशाही आणि दहशतीखाली होते हे त्यांना कळेल. जेव्हा तुम्ही नरेंद्र भाई (नरेंद्र मोदी) यांना दुसऱ्यांदा पंतप्रधान केले तेव्हा त्यांनी ५ ऑगस्ट २०१९ रोजी कलम ३७० हटवले. ज्या क्षणी नरेंद्रभाईंनी कलम हटवण्याचा निर्णय घेतला, त्या क्षणी देशभरातील लोकांना हे समजले की नरेंद्रभाईंसारख्या प्रबळ इच्छाशक्तीच्या नेत्याने देशाचे नेतृत्व केले तर काहीही अशक्य नाही.” अहमदाबाद महानगरपालिकेनं आयोजित केलेल्या एका कार्यक्रमात ते बोलत होते.

narendra modi uddhav thackeray (2)
मोदींनी उद्धव ठाकरेंना पुन्हा साद घातलेली? संजय राऊत म्हणाले, “दिल्लीतल्या त्या बैठकीत पंतप्रधानांनी…”
jayant patil and ajit pawar
अर्थसंकल्पातील तरतुदींवरून जयंत पाटील आक्रमक; सत्ताधाऱ्यांना उद्देशून म्हणाले, “बाटाचा बूट…”
sanjay raut narendra modi (3)
“केंद्राने मोदींबरोबर असहकाराची भूमिका घेतल्यावर शरद पवारांनीच…”, राऊतांकडून पंतप्रधानांच्या जुन्या वक्तव्यांची उजळणी
Sharad pawar devendra Fadnavis (1)
“मनोज जरांगे शरद पवारांची स्क्रिप्ट वाचतायत”, फडणवीसांच्या आरोपांवर पवार म्हणाले, “मी आंतरवालीला जाऊन…”

“विवेक अग्निहोत्री दिग्दर्शित ‘द काश्मीर फाइल्स’ १९९० च्या दशकाच्या सुरुवातीस पाकिस्तान समर्थित अतिरेक्यांनी समुदायाला लक्ष्य केल्यानंतर काश्मिरी पंडितांना त्यांच्या मूळ राज्यातून जबरदस्तीने बाहेर काढण्याभोवती फिरते. या चित्रपटाला अनेक भाजपाशासित राज्यांनी करमुक्त केलंय,” असंही अमित शाह म्हणाले.