खासदार आणि आमदार टोल का भरत नाहीत?; केंद्रीय मंत्री नितीन गडकरी यांनी दिले उत्तर

रस्ता बांधण्यासाठी सरकारने पैसे घेतले आहेत, ज्याची परतफेड आणि व्याज भरावे लागणार आहे. त्यामुळे टोल आकारावा लागतो, असे गडकरी म्हणाले.

Why MPs and MLAs do not pay tolls Union Minister Nitin Gadkari replied

महागड्या टोलमुळे सर्वसामान्य जनता हैराण आहे, पण खासदार, आमदार टोल का भरत नाहीत? असा प्रश्न नेहमीच उपस्थित केला जात असतो. केंद्रीय रस्ते वाहतूक आणि महामार्ग मंत्री नितीन गडकरी यांनी आज तकच्या एका कार्यक्रमाता या प्रश्नाला उत्तर दिले. दरम्यान, केंद्र सरकारने आणलेले तीन कृषी कायदे रद्द करण्याच्या मागणीसाठी शेतकऱ्यांचे तब्बल एक वर्षाहून अधिक काळ आंदोलन सुरू असल्याचे केंद्र सरकारचे मोठे नुकसान झाल्याचे सरकारने म्हटले. या आंदोलनामुळे भारतीय राष्ट्रीय महामार्ग प्राधिकरणाला (एनएचएआय) तब्बल २७३१.३१ कोटी रुपयांच्या टोलचा तोटा सहन करावा लागला आहे. केंद्रीय रस्ते वाहतूक आणि महामार्ग मंत्री नितीन गडकरी यांनी राज्यसभेत एका प्रश्नाच्या उत्तरात ही माहिती गुरुवारी दिली.

“लष्कर, रुग्णवाहिका, ट्रॅक्टरने मालवाहतूक करणारे शेतकरी, खासदार, आमदारांना सरकारने सूट दिली आहे. मात्र प्रत्येकाला सूट देणे योग्य नाही. चांगल्या रस्त्यावर जायचे असेल तर पैसे द्यावे लागतील,” असे केंद्रीय मंत्री नितीन गडकरी यांनी म्हटले आहे. लोक ट्रॅफिकमध्ये अडकायचे, ज्यामुळे पैसे पेट्रोल आणि डिझेलवर वाया जायचे. आता चांगले रस्ते बांधून पैसा वाचतोय, मग त्याऐवजी टोल भरायला काय हरकत आहे? असा सवालही नितीन गडकरी यांनी केला आहे.

“रस्ता बांधण्यासाठी सरकारने पैसे घेतले आहेत, ज्याची परतफेड आणि व्याज भरावे लागणार आहे. त्यामुळे टोल आकारावा लागतो. त्याचबरोबर आता देशातील छोट्या लोकांच्या पैशातून सरकार रस्ता बनवणार आहे,” असे नितीन गडकरी यांनी म्हटले आहे.

इन्फ्रा बॉण्डचा संदर्भ देत गडकरी म्हणाले की, तुम्ही बँकेत पैसे ठेवले तर किती व्याज मिळते. रस्ता बांधण्यासाठी पैसे दिले तर सरकार त्यावर जास्त व्याज देते. दिल्ली-मुंबई महामार्गावर एक लाख कोटी रुपये खर्च केले जात आहेत, त्यानंतर बाँडच्या स्वरूपात लोकांकडून पैसे घेतले जातील.

देशात २६ ग्रीन एक्सप्रेस हायवे बनवले जात आहेत. दोन वर्षांत रस्त्याने दिल्लीहून ८.५ तासांत श्रीनगरला पोहोचता येणार आहे. रस्ते बनवताना आम्ही पारदर्शक, परिणामाभिमुख, वेळेचे बंधन आणि गुणवत्तेबाबत जागरूक आहोत असे गडकरी म्हणाले.

दरम्यान, वायू प्रदूषणामुळे केंद्रीय रस्ते वाहतूक मंत्री नितीन गडकरी यांनी दिल्लीत दररोज सकाळी ते अस्वस्थ होतात असे म्हटले आहे.  शहराच्या आसपासच्या पेरिफेरल रिंग राउंडसह दिल्लीच्या आसपास ६०,००० कोटी रुपयांचे रस्ते विकास प्रकल्प हाती घेण्यात आले आहेत असे नितीन गडकरी यांनी म्हटले आहे.

“पूर्वी, दिल्लीतून जाणाऱ्या महामार्गांवर शेकडो ट्रक होते. आता ते दिल्लीत येत नाहीत. त्यामुळे दिल्लीला मोठा दिलासा मिळाला आहे. या सर्व कामांमुळे दिल्लीतील प्रदूषणाची पातळी कमी होईल,” असे गडकरी म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Why mps and mlas do not pay tolls union minister nitin gadkari replied abn

Next Story
Delhi Pollution: “आम्ही नव्हे पाकिस्तान जबाबदार”; योगी सरकारच्या दाव्यावर सुप्रीम कोर्ट म्हणालं, “मग काय आम्ही आता…”
ताज्या बातम्या
फोटो गॅलरी