योगी सरकारनं शोधली फिल्मसिटीसाठी १००० एकर जागा; दिल्लीलगत उभारणार प्रकल्प

देशातील सर्वात मोठी आणि सुंदर फिल्ससिटी उभारणार

संग्रहित

भारतातील सर्वात मोठी फिल्मसिटी तयार करण्यासाठी योगी सरकारनं दिल्लीलगत नोयडा येथे १००० एकर जागेचा शोध घेतला आहे. या प्रकल्पाची जबाबदारी असलेल्या यमुना एक्प्रेसवे इंडस्ट्रिअल डेव्हलपमेंट ऑथरिटीनं (YEIDA) सोमवारी यासंदर्भातील प्रस्ताव योगी सरकारकडे पाठवला.

या प्रकल्पाच्या विशेष कर्तव्यावर असलेले YEIDA चे अधिकारी शैलेंद्र भाटिया याबाबत पीटीआयशी बोलताना म्हणाले, “फिल्मसिटीसाठी शोधण्यात आलेली प्रस्तावित जागा ही सेक्टर २१ मध्ये असून जी दिल्ली-आग्रा यमुना एक्प्रेसवे लगत आहे. प्रस्तावित जेवार विमानतळापासून ती केवळ ६ किमी अंतरावर तर ईस्टर्न पेरिफेरल एक्प्रेसवेपासून १२ किमी अंतरावर आहे.” या जागेकडे जाण्यासाठी रस्त्यांची चांगली सोयही असल्याचे त्यांनी म्हटले आहे. तसेच ही जागा दिल्लीपासून ७० किमी, आग्र्यापासून १५० किमी अंतरावर आहे.

मुख्यमंत्री योगी आदित्यनाथ यांनी १८ सप्टेंबर रोजी उत्तर प्रदेशमध्ये देशातील सर्वात मोठी आणि सुंदर फिल्मसिटी साकारणार असल्याची घोषणा केली होती. यासाठी दिल्लीच्या सीमेलगत नोयडा किंवा ग्रेटर नोयडा भागात जागा शोधण्याच्या सूचनाही त्यांनी संबंधित अधिकाऱ्यांना दिल्या होत्या.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Yogi government finds 1000 acres of land for film city project to be set up near delhi aau

Next Story
चीनमधील भूकंपात ५० ठार, १५० जखमी
ताज्या बातम्या