हिजाबबाबत सुरू असलेल्या वादात अद्याप कोणताही अंतिम निर्णय झालेला दिसत नाही. दोन्ही बाजू आपापल्या मतावर ठाम आहेत. दरम्यान, एमआयएमचे नेते असदुद्दीन ओवैसी यांनी हिजाबवरील कोणत्याही बंदीला विरोध करणार असल्याचे म्हटले आहे. आपण कोणाचा गुलाम नाही, टोपी आणि दाढी ठेवणार आणि आपली मुलगी हिजाब घालणार असल्याचे त्यांनी स्पष्ट केले.

सोशल मीडियावर एक व्हिडिओ शेअर केला जात आहे. त्यात असदुद्दीन ओवेसी इशारा देत आहेत की, “तुम्हाला माझी दाढी आवडत नसेल तर काळजी करू नका, मी दाढी ठेवेन, तुम्हाला माझ्या डोक्यावरची टोपी आवडली नाही तर मी टोपी घालेन, तुम्ही काळजी करू नका. तुम्हाला हिजाब घातलेला आवडत नाही, माझी मुलगी हिजाब घालेल. मी तुमचा गुलाम आहे, मी तुमचा ऋणी आहे का? मी जगात राहिलो तर भारतीय राज्यघटनेनुसार माझी प्रतिष्ठा राखून जगेन”.

आणखी वाचा
in Relationships Your self-esteem is in your hands
नातेसंबंध : आपला आत्मसन्मान आपल्या हाती!
happiness hashtag, balmaifal happiness
सुखाचे हॅशटॅग: गोष्ट छोटीशी, पण महत्त्वाची!
Career MPSC exam Guidance UPSC job
करिअर मंत्र
nirmala sitaraman
उलटा चष्मा: पैसे नसलेल्या अर्थमंत्री

ते केव्हा आणि कुठे बोलत आहेत याचा उल्लेख व्हिडीओमध्ये नाही, परंतु रविवार, २० फेब्रुवारी रोजी त्यांच्या सार्वजनिक सभा सवैजपूर, लखीमपूर खेरी, खलीलाबाद आणि संदिला येथे होत्या. हा व्हिडीओ त्या बैठकीचा आहे की वेगळा बनवला आहे, हे त्यात स्पष्ट झालेले नाही. हिजाब ते दाढी आणि टोपीवर आपली भूमिका स्पष्ट करताना ओवैसी यांनी कोणाचीही गुलामी सहन करणार नसल्याचे सांगितले. आपला फक्त भारतीय संविधानावर विश्वास आहे आणि त्या अंतर्गत राहून आपल्या शब्दावर ठाम असल्याचे सांगितले.