पंतप्रधान नरेंद्र मोदी यांनी आज 'मन की बात' या कार्यक्रमाद्वारे देशाशी संवाद साधला. पंतप्रधानं मोदींच्या या कार्यक्रमाची ही ८० वी आवृत्ती आहे. मोदींनी मेजर ध्यानचंद यांच्यापासून आपल्या भाषणाची सुरुवात केली आणि भाषणाच्या शेवटी त्यांनी प्रतिभावान लोकांना महत्त्व देण्याचे आवाहन केले. प्रत्येक महिन्याच्या शेवटच्या रविवारी प्रसारित होणाऱ्या कार्यक्रमाच्या गेल्यावेळी पंतप्रधान मोदींनी कारगिल योद्ध्यांविषयी भाष्य केलं होतं. मन की बात कार्यक्रमाची सुरुवात पंतप्रधान मोदींनी मेजर ध्यानचंद यांना श्रद्धांजली अर्पण करून केली. आज मेजर ध्यानचंद यांची जयंती आहे. कितीही पदके जिंकली गेली तरी भारतातील कोणताही नागरिक हॉकीमध्ये पदक मिळेपर्यंत विजयाचा आनंद घेऊ शकत नाही आणि या वेळी ऑलिम्पिकमध्ये हॉकीला चार दशकांनंतर पदक मिळाले आहे. मेजर ध्यानचंदजींना ते जिथे असतील तिथे किती आनंद असेल याची तुम्ही कल्पना करू शकता असे पंतप्रधान मोदींनी म्हटले आहे. “जेव्हा खेळांचा प्रश्न येतो तेव्हा संपूर्ण तरुण पिढी आपल्या समोर येणं स्वाभाविक आहे आणि जेव्हा आपण तरुण पिढीकडे बारकाईने पाहतो तेव्हा त्यांच्यात मोठा बदल दिसून येतो. तरुणांचे मन बदलले आहे आणि आजच्या तरुण मनाला जीर्ण झालेल्या जुन्या पद्धतींमधून काहीतरी नवीन करायचे आहे, काहीतरी वेगळे करायचे आहे,” असे पंतप्रधान मोदी म्हणाले. आजच्या तरुणांना बनवलेल्या मार्गावर चालायचे नाही. त्यांना नवीन मार्ग तयार करायचे आहेत. अज्ञात ठिकाणी पाऊल टाकायचे आहे. ध्येय देखील नवीन आहे, मार्ग देखील नवीन आहे आणि इच्छा देखील नवीन आहेत. “या वेळी ऑलिम्पिकने मोठा प्रभाव पाडला आहे. ऑलिम्पिक खेळ संपले, आता पॅरालिम्पिक चालू आहेत. आपल्या या क्रीडा विश्वात देशाशी जे काही मिळवले, ते जगाच्या तुलनेत कमी असू शकते, पण आत्मविश्वास वाढवण्यासाठी बरेच काही केले गेले आहे. आज तरुण केवळ खेळांकडेच पाहत नाही, तर तो त्याच्याशी निगडित शक्यतांकडेही पाहत आहे. आता तो पारंपारिक गोष्टींच्या पलीकडे जाऊन नवीन शिस्त स्वीकारत आहे,” असे पंतप्रधान मोदींनी म्हटले आहे.
