Premium

वाहनांच्या नंबर प्लेटवर कोपऱ्यात IND का लिहिलेलं असतं? यामागे काय आहे कारण?

IND हा शब्द भारताला अनुसरून घेतला आहे

ind number plate
वाहनांच्या नंबर प्लेटवर कोपऱ्यात IND का लिहिलेलं असतं?

दुचाकी, कार, रिक्षा असो किंवा मालवाहू वाहनाची खरेदी केल्यानंतर तुम्हाला मोटार वाहन विभागाकडे ( आरटीओ ) नोंदणी करावी लागते. भारतात प्रत्येक वाहनाची नोंदणी मोटार वाहन कायदा १९८९ अंतर्गत केली जाते. आरटीओकडे नोंदणी केल्यावर चालकाला नंबर प्लेट मिळते, ज्यावर कोड आणि नंबर लिहिलेला असतो. काही नंबर प्लेटवर IND लिहिलेलं तुम्ही पाहिलं असेल. पण, नंबर प्लेटवर IND काय लिहिले जाते? यामागाचं कारण काय? हे आपण जाणून घेणार आहोत…

या बातमीसह सर्व प्रीमियम कंटेंट वाचण्यासाठी साइन-इन करा

IND हा शब्द भारताला अनुसरून घेतला आहे. बऱ्याच वाहनांवरील नंबर प्लेटमध्ये होलोग्रामसह IND हा शब्द लिहिलेला असतो. IND शब्द उच्च सुरक्षा नंबर प्लेटचा एक भाग आहे. २००५ साली १९८९ च्या मोटार वाहन कायद्यात बदल करून उच्च सुरक्षा नंबर प्लेट आणली गेली. आरटीओच्या नोंदणीकृत नंबर प्लेटवर IND हा शब्द आढळतो.

हेही वाचा : उंदीर प्रत्येक वस्तू कुरतडत का असतो? कुरतडलं नाही तर काय होतं? जाणून घ्या… 

विक्रेत्याने ही नंबर प्लेट कायद्यानुसार घेतली असेल, तर त्याच्यावर एक क्रोमियम-प्लेटेड होलोग्राम देखील जोडलेला आहे, जो काढला जाऊ शकत नाही. तसेच, नंबर प्लेटच्या सुरक्षतेबाबत काळजी घेण्यात आली आहे. यात ‘स्नॅप लॉक’ यंत्रणा बसवण्यात आली आहे. जी काढता येत नाही. रस्त्याच्या कडेला उसलेल्या विक्रेत्यांनाही ‘स्नॅफ लॉक’ची नकल करता येत नाही.

हेही वाचा : निवडणुकीत बोटावर लावण्यात येणारी शाई कुठं तयार होते? काय आहे तिचा इतिहास? जाणून घ्या…

ही नंबर प्लेट असलेल्या चालकांना वाहन चोरी, दहशतवादी आणि गैरवापरापासून संरक्षण मिळतं. तसेच, नंबर प्लेटवरील होलोग्रामवर असलेला कोड नोंद असतो. त्यामुळे कुठेही अपघात किंवा चुकीची घटना घडल्यास वाहनाच्या मालकाची माहिती तात्काळ मिळते. त्यामुळेच याला उच्च सुरक्षा नंबर प्लेट म्हणतात.

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Do you know why ind is written on indian vehicle number plates ssa

First published on: 30-11-2023 at 20:27 IST
Next Story
ट्रेनचे तिकिट बुकिंग सुरु झाल्यानंतर सर्वात पहिल्यांदा आणि शेवटी कोणती सीट बुक होते?