तुमचा भविष्य निर्वाह निधी किती जमा झाला आहे. व्याजदर योग्य प्रमाणात मिळते आहे की नाही. तुम्हाला त्यातून किती उचल घेता येईल, खात्यावर कितीपैसे आहेत. वगैरे असंख्य प्रश्नांची उत्तरे आता कर्मचारी भविष्य निर्वाह निधीच्या (पीएफ) खातेदारांना चार वेगवेगळ्या पद्धतीनं मिळणार आहे. या चार प्रकारे पीएफचा बॅलन्स तपासता येईल. १) वेबसाईट २) अॅप ३) एसएमएस ४) मिस कॉल जाणून घेऊयात वरील चार पद्धतीची माहिती, ज्याद्वारे पीएफ खात्यावरील जमा रक्काम तपासली जाईल १) वेबसाईट वेबसाईटवर तुमचा पीएफ खात्यातील बॅलन्स चेक तपासण्यासाठी ईपीएफच्या या अधिकृत वेबसाईटला भेट द्या. त्यासाठी तुमच्याकडे युनिव्हर्सल अकाउंट नंबर अॅक्टिवेट केलेला असण्याची गरज आहे. हा क्रमांक ईपीएफओ देतं व एम्प्लॉयर तो अॅक्टिवेट करतो. नोकरी बदलली तरी हा युएएन क्रमांक बदलत नाही, तो कायम राहतो. तुमच्या नोंदणी केलेल्या मोबाइलच्या माध्यमातून तुम्ही या पोर्टलवर पासवर्ड सेट करू शकता आणि नंतर तिथं दिलेल्या सूचनांनुसार पासबुकच्या माध्यमांमधून पीएफ बॅलन्स चेक करू शकता. ईपीएफओच्या अधिकृत वेबसाईटवर गेल्यावर 'Our Services' टॅबवर क्लीक करा. त्यानंतर For Employees या पर्यायावर क्लीक करा 'Services या पर्यायावर क्लीक करून 'Member passbook' हा पर्याय निवडावा युएएननंबर आणि पासवर्डने लॉगइन करा २) अॅप ईपीएफओचं अॅप प्ले स्टोअरमध्ये असून ते डाऊनलोड करून मेंबर लॉगइनच्या ऑप्शनमधून बॅलन्स चेक करायची सोय आहे. इथंही नोंदणी असलेल्या मोबाइलच्या माध्यमातून जोडणी केली जाते. ३) एसएमएस केवायसी डिटेल्स पूर्ण झाले असतील तरच एसएमएसच्या माध्यमातून बॅलन्स जाणून घेता येतो. EPFOHO UAN ENG असा मेसेज टाइप करायचा ENG च्या जागी MAR टाइप केलं तर मराठीत माहिती मिळेल. आपला UAN त्यात टाकून हा मेसेज 7738-299-899 ४) मिस कॉल नोंदणीकृत मोबाइलवरून 011-22901406 या क्रमांकावर मिस कॉल दिल्यावर एसएमएस येतो आणि पीफच्या डिटेल्स तुम्हाला कळवल्या जातात.
