भारतातील ‘या’ ठिकाणी आहे सर्वांत लांब नावाचं रेल्वेस्थानक; नावात आहेत तब्बल ५७ अक्षरं, शहराचं नाव वाचून व्हाल थक्क, नाव वाचताना दम लागेल!

मात्र, या हजारो स्थानकांमध्ये एक असे स्थानक आहे, ज्याचे नाव ऐकून अनेक जण आश्चर्यचकित होतात. कारण- या स्थानकाच्या नावात तब्बल ५७ अक्षरे आहेत. त्यामुळे हे स्थानक भारतातील सर्वांत लांब नाव असलेले रेल्वेस्थानक म्हणून ओळखले जाते.

देशभरात सुमारे सात हजारांहून अधिक रेल्वेस्थानके आहेत. दररोज लाखो प्रवासी या स्थानकांमधून प्रवास करतात. काही स्थानके त्यांच्या ऐतिहासिक वारशासाठी प्रसिद्ध आहेत; तर काही स्थानके त्यांच्या वास्तुकलेसाठी. पण एका स्थानकाने आपल्या नावाच्या लांबीमुळे वेगळीच ओळख निर्माण केली आहे.

विशेष म्हणजे, अनेकांना वाटते की, सर्वांत लांब नाव असलेले हे स्थानक एखाद्या दुर्गम भागात असेल. मात्र, प्रत्यक्षात हे स्थानक देशातील एका मोठ्या महानगरात आहे. हे स्थानक केवळ नावासाठीच नव्हे, तर प्रवासी वाहतुकीच्या दृष्टीनेही अत्यंत महत्त्वाचे मानले जाते.

हे स्थानक दक्षिण भारतातील तमिळनाडू राज्यात आहे. अनेक दशकांपासून हे स्थानक लाखो प्रवाशांच्या सेवेत कार्यरत आहे. देशाच्या विविध भागांना जोडण्यात या स्थानकाची महत्त्वाची भूमिका आहे. मुंबई, दिल्ली, कोलकाता यांसारख्या प्रमुख शहरांशी या स्थानकाचे थेट रेल्वे संपर्क आहेत.

आता तुम्हालाही उत्सुकता लागली असेल की, या स्थानकाचे नाव नेमके काय आहे?

भारतातील सर्वांत लांब नाव असलेल्या रेल्वेस्थानकाचे नाव आहे पुरच्ची थलैवर डॉ. एम. जी. रामचंद्रन सेंट्रल रेल्वेस्थानक. (Puratchi Thalaivar Dr. M.G. Ramachandran Central Railway Station) या नावात तब्बल ५७ अक्षरे आहेत. पूर्वी हे स्थानक ‘मद्रास सेंट्रल’ आणि नंतर ‘चेन्नई सेंट्रल’ या नावांनी ओळखले जात होते.

सन २०१९ मध्ये तमिळनाडूचे माजी मुख्यमंत्री एम. जी. रामचंद्रन यांच्या सन्मानार्थ या स्थानकाचे नामकरण करण्यात आले. त्यानंतर या स्थानकाने भारतातील सर्वांत लांब नाव असलेल्या रेल्वेस्थानकाचा मान पटकावला.

हे स्थानक दक्षिण रेल्वे विभागातील अत्यंत महत्त्वाचे स्थानक मानले जाते. प्रवाशांची मोठी वर्दळ, देशातील विविध भागांशी असलेली जोडणी आणि शतकाहून अधिक जुना इतिहास यांमुळे या स्थानकाला विशेष महत्त्व प्राप्त झाले आहे.

विशेष म्हणजे, यापूर्वी आंध्र प्रदेशातील वेंकटनरसिंहराजुवारीपेटा हे स्थानक सर्वांत लांब नावासाठी प्रसिद्ध होते; मात्र आता हा विक्रम चेन्नईतील या स्थानकाच्या नावावर आहे.

भारतीय रेल्वेच्या हजारो स्थानकांमध्ये हे एक स्थानक आपल्या नावाच्या लांबीमुळे वेगळे ठरते. तब्बल ५७ अक्षरांचे हे नाव आजही अनेक प्रवाशांसाठी कुतूहलाचा विषय ठरत आहे.