सेल आणि मॉलमधील वस्तूंच्या किमती ९९ किंवा ९९९ अश्या का असतात? जाणून घ्या कारण…

यापूर्वी असे गृहीत धरले जात होते की, कंपन्या काही कर समस्यांसाठी ही योजना वापरतात. पण, नंतर असे दिसून आले की, ९ आणि ९९ क्रमांक ठेवण्याची ही प्रथा ग्राहकांना अधिक आकर्षित करण्यासाठी आहे. सेलदरम्यान वस्तूच्या किमती व जे लेबल लावलेले असते ते प्रामुख्याने आपल्याला रुपये ९९ असे लिहिलेले दिसते. अशातच ग्राहक वस्तू विकत घेताना त्या लेबलवरच जास्त लक्ष देत असतात.

आणखी वाचा

“कोण होणार मुख्यमंत्री?” शिंदे की फणडवीस? कोणाचा पक्ष मारणार बाजी? ज्योतिषतज्ज्ञांनी सांगितली भविष्यवाणी

Sharad Pawar : महायुती सरकारच्या शपथविधीला का नाही…

९९ किंवा ९९९ किमती करतात आकर्षित :

९९, ९९९ या वस्तूंवरील किमती ग्राहकांना आकर्षित करतात. एखादा विक्रेता एखादी वस्तूची किंमत १०० रुपयांऐवजी ९९ रुपये ठेवतो, तेव्हा ग्राहकाला विश्वास दिला जातो की, ही वस्तू स्वस्त आहे. उदाहरणार्थ : जेव्हा एखाद्या वस्तूची किंमत २०० रुपये असते, तेव्हा खरेदीदाराला वाटते की, १०० रुपयांपर्यंत आपण ही वस्तू विकत घ्यायला हवी. इतकेच काय, तर ग्राहक वस्तूंच्या किमतीमधील पहिल्या काही अंकांकडे बारकाईने लक्ष देतो. एखाद्या उत्पादनाची किंमत ९९९ रुपये आहे असे त्यांना दिसल्यास, त्यांच्या मनात आपोआपच एक चित्र तयार होईल की, ते एक रुपयाची कपात करून १००० रुपयांपेक्षा कमी किमतीत आपण ही वस्तू खरेदी करत आहेत.

हेही वाचा…ट्रेनचे तिकिट बुकिंग सुरु झाल्यानंतर सर्वात पहिल्यांदा आणि शेवटी कोणती सीट बुक केली जाते?

९९ किंवा ९९९ किमती ग्राहकांसाठीही फायदेशीर :

९९ ला विकल्या जाणाऱ्या वस्तूमुळे दुकानदाराला एक महत्वाचा फायदासुद्धा होत असतो. यासाठी आपण एक उदाहरण समजून घेऊया. जर एखादा ग्राहक ९९९ रुपयांचे सामान खरेदी करत असेल, तर अशावेळी आपण कॅश पेमेंट करतो त्यावेळी १००० रुपये आपण दुकानदाराला देतो. अनेकदा तुम्ही एक गोष्ट पाहिली असेल की, अनेक दुकानदार उरलेला एक रुपया तुम्हाला परत करत नाहीत, त्याचबरोबर ग्राहकसुद्धा उरलेला एक रुपया त्यांच्याकडून मागत नाही. अनेकदा असे होते की, दुकानदार एक रुपयाच्या बदल्यात तुम्हाला एखादे चॉकलेट देत असतात. अशाप्रकारे दुकानदार एक रुपया वाचवत असतात व याच पैश्याने आपले एखादे दुसरे उत्पादनसुद्धा ग्राहकांना विकत असतात. म्हणूनच ही खास पद्धत मार्केटमध्ये वापरण्यात येते.