News Flash

गडचिरोलीत मतदानाच्या पूर्वसंध्येला नक्षलवाद्यांकडून स्फोट, एक जवान जखमी

उद्या (११ एप्रिल) येथे पहिल्या टप्यातील मतदान पार पडणार आहे. या पार्श्वभूमीवर हा स्फोट झाल्याने खळबळ उडाली आहे.

प्रतिकात्मक छायाचित्र

गडचिरोलीतल्या एटापल्ली येथील गट्टा भागात निवडणूक पथकाच्या मार्गात नक्षलवाद्यांनी स्फोट घडवून आणल्याचे वृत्त आहे. या स्फोटामध्ये एक जवान जखमी झाला आहे. एएनआयने याबाबत वृत्त दिले आहे. उद्या (११ एप्रिल) येथे पहिल्या टप्यातील मतदान पार पडणार आहे. या पार्श्वभूमीवर हा स्फोट झाल्याने खळबळ उडाली आहे.

छत्तीसगडमध्ये मतदानाची तयारी करण्यासाठी निघालेल्या निवडणूक आयोगाच्या अधिकाऱ्यांच्या मार्गावर बुधवारी (दि.१०) संध्याकाळी नक्षलवाद्यांनी आयईडी स्फोट घडवून आणला. यावेळी त्यांच्यासोबत सीआरपीएफच्या १९१ बटालिअनच्या जवानांचे पथक होते. दरम्यान, या स्फोटात एक जवान जखमी झाला आहे.

एका सायकलवर आयईडी स्फोटकं लावून नियोजितरित्या हा स्फोट घडवून आला. कालच छत्तीसगडमध्ये भाजपा आमदाराच्या ताफ्याच्या मार्गात नक्षलवाद्यांनी भूसुरुंगाचा स्फोट घडवून आणला होता. या पार्श्वभूमीवर या संपूर्ण भागात रेड अॅलर्ट जारी करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 10, 2019 6:48 pm

Web Title: an ied attack by naxals on polling party at gadchiroli one security personnel injured
Next Stories
1 जगातील महागडं अमेरिकेचं अत्याधुनिक F-35 फायटर विमान पॅसिफिक महासागरात कोसळलं
2 तेलंगणा : मातीचा मोठा भाग अंगावर कोसळून १० महिला मजूर ठार
3 जेट एअरवेजवर नामुष्की! अॅमस्टरडॅममध्ये बोईंग विमान जप्त
Just Now!
X