News Flash

पश्चिम बंगाल हिंसाचार : “तृणमूलच्या CM, MP, आमदारांनाही दिल्लीत यावं लागतं हे लक्षात ठेवा”; भाजपा खासदाराचा इशारा

निवडणुकीनंतर पश्चिम बंगालमध्ये हिंसाचाराचा उद्रेक

फाइल फोटो (फोटो सौजन्य: पीटीआय)

पश्चिम बंगालमधील विधानसभा निवडणुकीचे निकाल लागल्यानंतर राज्यातील काही भागांमध्ये हिंसाचाराचा उद्रेक झाला आहे. राज्यातील वेगवेगळ्या भागांमध्ये हिंचारा सुरु आहे. भाजपाने तृणमूल काँग्रेसचे समर्थक भाजपा समर्थकांच्या घरांवर आणि कार्यालयांवर हल्ले करत असल्याचा दावा केलाय. आमच्या ९ कार्यकर्त्यांचा या हिंचारात मृत्यू झाल्याचं भाजपाने म्हटलं आहे. भाजपाबरोबरच डाव्या पक्षांनाही तृणमूल काँग्रेसवर हिंसाचाराचा आरोप केलाय. दरम्यान पश्चिम दिल्ली लोकसभा मतदारसंघातून खासदार असणाऱ्या परवेश साहिब सिंह यांनी पश्चिम बंगालमधील हिंसेच्या पार्श्वभूमीवर प्रतिक्रिया दिलीय. तृणमूल काँग्रेसच्या नेत्यांनाही दिल्लीत यावं लागतं हे लक्षात ठेवा, असा धमकी वजा इशारा सिंह यांनी ट्विटरवरुन दिलाय.

पश्चिम बंगालमध्ये ममतांच्या नेतृत्वाखाली लढणाऱ्या तृणमूल काँग्रेसला सलग तिसऱ्यांदा बहुमत मिळालं. दोन मे रोजी निकाल समोर आल्यानंतर कोलकातामधील भाजपाच्या कार्यालयाला आग लावण्यात आली. सोमवारीही राज्यातील काही भागांमध्ये भाजपाच्या कार्यकार्त्यांना मारहाण करुन त्यांची हत्या करण्यात आल्याच्या बातम्या समोर येत आहे. “निवडणूक जिंकल्यानंतर तृणमूलच्या गुंडांनी आमच्या कार्यकर्त्यांचे जीव घेतले. भाजपा कार्यकर्त्यांच्या गाड्यांची त्यांनी तोडफोड केली. लक्षात ठेवा तृणमूलच्या खासदारांना, मुख्यमंत्र्यांना आणि आमदारांना दिल्लीतही यावं लागतं. याला इशारा समजा. निवडणुकीमध्ये पराभव आणि विजय होत असतात, हत्या होत नाहीत,” असं सिंह यांनी ट्विटमध्ये म्हटलं आहे.

राज्याच्या काही भागात हिंसाचाराचा उद्रेक झाल्याचे वृत्त आल्याच्या पाश्र्वभूमीवर ममतांनी तृणमूलच्या कार्यकर्त्यांना शांतता राखण्याचे  आणि चिथावणीला बळी न पडण्याचे आवाहन केले. निवडणुकीदरम्यान केंद्रीय दलांनी तृणमूलच्या कार्यकर्त्यांवर अत्याचार केल्याचा आरोप या वेळी ममतांनी केला. निवडणूक आयोगाने भाजपला मदत केली नसती तर त्या पक्षाला ५० जागांचा टप्पा ओलांडणेही कठीण झाले असते, असा आरोपही त्यांनी केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 4, 2021 11:58 am

Web Title: bjp mp parvesh sahib singh comment on violence in west bengal after election results scsg 91
Next Stories
1 पश्चिम बंगाल : राहुल गांधींनी प्रचारसभा घेतलेल्या सर्व मतदारसंघांमधील काँग्रेस उमेदवारांचं डिपॉझिट जप्त
2 केरळमध्ये कमळ फुलवण्याची महत्वकांशा ठेवणारे ‘मेट्रोमॅन’ श्रीधरन ३८५९ मतांनी पराभूत
3 West Bengal Election: “पराभवानंतर मोदी, शाहांनी राजीनामा द्यावा, या निकालाचा परिणाम २०२४ च्या निवडणुकीवरही होईल”
Just Now!
X