भोपाळमधील काँग्रेसचे उमेदवार दिग्विजय सिंह यांच्या प्रचार सभेमध्ये एक विचित्र घटना घडली. भाषणाच्या ओघात त्यांनी उपस्थित जनसमूहाला तुमच्या खात्यात १५ लाख रुपये जमा झाले का? असा प्रश्न केला. ज्यांच्या खात्यात १५ लाख जमा झाले त्यांनी हात वरती उचलावा असे ते म्हणाले. सभेला उपस्थित असलेले लोक नकारार्थी उत्तर देतील असे दिग्विजय यांना वाटले होते. पण गर्दीमध्ये उभ्या असलेल्या एका युवकाने हात वरती उचलला. त्यावेळी दिग्विजय सिंह यांनी त्या युवकाला स्टेजवर बोलावले. तुझ्या बँकेचा अकांऊट नंबर सांग असे त्या युवकाला म्हणाले. स्टेजवर आलेल्या त्या युवकाने माईक हातात घेतला व मोदींनी 'सर्जिकल स्ट्राइक केला. दहशतवादी मारले' असे म्हणाला. #WATCH Bhopal: Congress candidate Digvijaya Singh asks a youth in the crowd 'did you get Rs 15 lakhs in your account?' The youth walks up to the stage and says 'Modi ji did surgical strike and killed terrorists.' pic.twitter.com/FRoVhHPk5h— ANI (@ANI) April 22, 2019 त्यानंतर काँग्रेसच्या मंचावरील अन्य नेत्यांनी त्या युवकाला खाली उतरवले. त्यावेळी चिडलेल्या स्वरात दिग्विजय यांनी तुझ्या खात्यात १५ लाख जमा झाले का? तुला नोकरी मिळाली का? असे प्रश्न त्याला केले.
