13 July 2020

News Flash

गोवा : पर्रिकरांची जागा भाजपने गमावली; काँग्रेसचा उमेदवार विजयी

काँग्रेसचे अटानेसियो माॅनसरेट यांचा १ हजार ७७४ मतांनी विजय

लोकसभा निवडणुकांच्या मतमोजणीची रणधुमाळी चालू असून मतमोजणीची कल जरी भाजपच्या दिशेने दिसत असला, तरी गोव्याच्या पोटनिवडणुकीत माजी मुख्यमंत्री स्व. मनोहर पर्रीकर यांचा मतदारसंघ असलेल्या पणजी येथे काँग्रेसने भाजपला धक्का दिला आहे. पणजीच्या पोटनिवडणुकीत काँग्रेसचे अटानेसियो माॅनसरेट यांचा १ हजार ७७४ मतांनी विजय मिळाला आहे.

अटानेसियो माॅनसरेट

पणजीची विधानसभा मतदारसंघातील जागा पर्रिकर यांच्या निधनानंतर रिक्त झाली होती. १९९४ सालापासून पर्रिकर हे जागी निवडून आले होते. पण त्यांच्या निधनानंतर या जागेसाठी काँग्रेसच्या अटानेसियो माॅनसरेट यांच्याविरुद्ध भाजपने सिद्धार्थ कुंकळीकर यांना उमेदवारी दिली होती. पण भाजपची जागा कायम राखण्यात कुंकळीकर यांना अपयश आले.

गोवा विधानसभेत एकूण ४० जागा आहेत. त्यापैकी १२ जागा भाजपकडे आहेत. पण महाराष्ट्रवादी गोमंतक पक्ष, गोवा फॉरवर्ड पार्टीचे विजय सरदेसाई आणि ३ अपक्ष यांच्या सहकार्याने येथे भाजप सत्तेत आहे. तर काँग्रेसकडे १५ जागा आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 23, 2019 1:24 pm

Web Title: goa by polls bjp loses manohar parrikar panaji assembly seat to congress
Next Stories
1 कमल हासन यांच्या पक्षाला NOTA पेक्षाही कमी मतं
2 बेगुसरायमध्ये कन्हैयाकुमार पराभवाच्या वाटेवर, गिरीराज सिंह आघाडीवर
3 ऑस्ट्रेलियात सिडनी, मेलबर्नमध्ये भाजपाच्या विजयाचे सेलिब्रेशन
Just Now!
X