26 May 2020

News Flash

राजकारणाची पहिलीच इनिंग गंभीरने गाजवली, ‘आप’च्या प्रतिस्पर्ध्याचा पराभव करुन विजयी

मतदारांचेही मानले आभार

आंतरराष्ट्रीय क्रिकेटमधून निवृत्ती घेतल्यानंतर, गौतम गंभीरने राजकारणाच्या मैदानात धडाकेबाज प्रवेश केला आहे. दिल्ली पूर्व लोकसभा मतदार संघातून निवडणूक लढवणाऱ्या गौतम गंभीरने आपल्या प्रतिस्पर्धी उमेदवारांवर मात करुन संसदेत प्रवेश मिळवला आहे. गौतम गंभीरसमोर ‘आप’च्या आतिशी यांचं आव्हान होतं. अंदाजे साडेसहा लाखांचं मताधिक्य घेऊन गौतम गंभीरने आपला विजय सुनिश्चीत केला.

तिकीट मिळवल्यानंतर प्रचारादरम्यान गौतम गंभीर आणि आतिशी यांच्यात अनेक आरोपांच्या फैरी झाडल्या गेल्या. आतिशी यांच्याकडून गौतम गंभीरवर अनेक आरोपही करण्यात आले. मात्र क्रिकेटच्या मैदानाप्रमाणेच खंबीर उभं राहत गौतम गंभीरने सामना केला. आपल्या विजयानंतरही दोन्ही उमेदवारांची फिरकी घेत गौतमने ट्विट केलं आहे.

याचवेळी गौतमने आपल्याला निवडून दिलेल्या सर्व मतदारांचे आभार मानले आहेत. यापुढे सर्व कामांमध्ये मला तुमची सोबत हवी आहे; तुमच्याशिवाय मी काहीच नाहीये असं म्हणत मतदारांना भावनिक साद घातली आहे. त्यामुळे आगामी ५ वर्षात खासदार म्हणून गौतम गंभीरची कामगिरी कशी राहते हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 24, 2019 9:30 am

Web Title: loksabha election 2019 east delhi bjp candidate gautam gambhir registered massive victory
Next Stories
1 बाबुल सुप्रियोंची पुन्हा एकदा बाजी; मून मून सेन पराभूत
2 … हे तर अमित शाह यांच्या राजकीय व्यवस्थापन कौशल्याचे यश: शिवसेना
3 ‘शॉटगन खामोश’, शत्रुघ्न सिन्हा यांना पराभवाचा धक्का
Just Now!
X