आम्ही जे केलं त्याचा हिशोब आम्ही दिला. पवारांनी महाराष्ट्रासाठी काय केलं ? असा थेट सवाल भाजपाचे राष्ट्रीय अध्यक्ष अमित शाह यांनी बारामती येथील जाहीर सभेमध्ये विचारला. बारामतीमधून शरद पवार यांच्या कन्या सुप्रिया सुळे यांच्या विरोधात निवडणूक लढवणाऱ्या महायुतीच्या उमेदवार कांचन कुल यांच्या प्रचारासाठी अमित शाह शुक्रवारी बारामतीमध्ये आले होते. भाजपाने महाराष्ट्रामध्ये काय, काय विकास काम केली आणि भविष्यात करण्याची योजना आहे त्याची माहिती दिली. आमच्याकडे कोणी हिशोब मागितले नव्हता. पण आम्ही तो दिला. पण पवारांनी बारामती, पुणे आणि महाराष्ट्रासाठी काय केलं ते सांगावं ? सत्तेत राहण्याची कला पवार यांच्याशिवाय कोणी करु शकत नाही. त्यांना कुटुंबाशिवाय काहीही दिसत नाही. महाराष्ट्राला तुम्ही काय दिलंत त्याचा हिशोब द्या असा सवाल अमित शाह यांनी पवारांना विचारला.
